Այսօր ՀՀ պաշտպանության նախարարի պաշտոնակատար Դավիթ Տոնոյանին ընդունել է Աֆղանստանի իսլամական հանրապետության պաշտպանության նախարար Թարիք Շահ Բահրամին։
Ինչպես ֆեյսբուքյան գրառմամբ հայտնել է ՊՆ մամուլի քարտուղար Արծրուն Հովհաննիսյանը, նրանք քննարկել են տարածաշրջանային զարգացումները, երկրում ստեղծված ռազմաքաղաքական իրավիճակը, հայ խաղաղապահների առաքելության և այլ հարցեր։
Դավիթ Տոնոյանը առաջարկել է երկկողմ հարաբերությունների զարգացման համատեքստում քննարկել Հայաստանում աֆղանստանցի ուսանողների ուսուցանման հնարավորությունները և հումանիտար համագործակցության խորացումը։ Հանդիպման ընթացքում Դավիթ Տոնոյանը շնորհակալություն է հայտնել իր գործընկերոջը ջերմ ընդունելության համար։
Թարիք Շահ Բահրամին իր հերթին շնորհակալություն է հայտնել Դավիթ Տոնոյանին այցի, ինչպես նաև հայ խաղաղապահների առաքելության համար։
