13.04.2026 | 16:36
Թուրքիան հերքել է Էրդողանի կողմից ռազմական պատասխանի սպառնալիքը, եթե Իրանը կամ Լիբանանը հարձակման ենթարկվեն
ՌԴ-ում վերսկսել են «Ջերմուկ» հանքային ջրի հետ կապված քրեական գործը
Քաղաքականություն
13.04.2026 | 13:47
ՌԴ-ում քննիչները վերսկսել են 65-ամյա տղամարդու մահվան հետ կապված գործը։ Նրա մահը, իբր, վրա է հասել հայկական «Ջերմուկ» հանքային ջուր խմելուց հետո։ Այս մասին Lenta.ru-ին հայտնել է Հյուսիսային Օսիա-Ալանիայի Հանրապետության Քննչական կոմիտեն։
Խոսքը Ռուսաստանի քրեական օրենսգրքի 238-րդ հոդվածի 2-րդ մասով («Սպառողների կյանքի կամ առողջության անվտանգության պահանջները չբավարարող ծառայությունների մատուցում, որի հետևանքով անփութության պատճառով մահացել է») հարուցված քրեական գործի մասին է։
Հետաքննությունը վերսկսվել է 2026 թվականի մարտին՝ նոր բացահայտված հանգամանքների պատճառով։ Ըստ գերատեսչության՝ 2024 թվականի փետրվարի 11-ին տուժողը խմել է Վլադիկավկազի մանրածախ առևտրի կետերից գնված «Ջերմուկ» հանքային ջուր։ Դրանից հետո նա իրեն շատ վատ է զգացել։ Նա հոսպիտալացվել է, սակայն բժիշկները չեն կարողացել փրկել տղամարդու կյանքը։
Թարգմանությունը՝ Էմմա Չոբանյանի
