08.05.2025 | 10:54
Իրավապահ մարմինները չպետք է չափից շատ ոգևորվեն ու տնտեսությանը վնաս բաներ անեն․ Թունյան․ ՏԵՍԱՆՅՈՒԹ
Ադրբեջանը Բելառուսից սպառազինության հերթական խմբաքանակը կգնի. Մինսկում հուշագիր է ստորագրվել
Քաղաքականություն
19.11.2018 | 18:14
Մինսկն ու Բաքուն բելառուսական ռազմական տեխնիկայի հերթական խմբաքանակի մատակարարման վերաբերյալ համաձայնագիր են նախապատրաստում: ԲԵԼՏԱ-ի փոխանցմամբ՝ Մինսկում Բելառուսի նախագահ Ալեքսանդր Լուկաշենկոյի հետ բանակցություններից հետո լրագրողներին տեղեկացրել է Ադրբեջանի նախագահ Իլհամ Ալիևը:
Այսօր՝ նոյեմբերի 19-ին Մինսկում երկու երկրների ղեկավարների հանդիպման արդյունքներով Բելառուսի պետական ռազմարդյունաբերական հանձնաժողովի և Ադրբեջանի պաշտպանության նախարարության միջև փոխըմբռնման հուշագիր է ստորագրվել՝ սպառազինության և հակաօդային պաշտպանության տեխնիկայի մատակարարումների ոլորտում երկկողմ համագործակցության զարգացման մասին:
«Ամենասեղմ ժամկետում այն կվերածվի պայմանագրի՝ Բելառուսից ռազմական տեխնիկայի հերթական խմբաքանակի ձեռքբերման համար: Ադրբեջանը գոհ է այդ ոլորտում Բելառուսի հետ փոխգործակցությունից, քանի որ նշված արտադրանքը շատ որակյալ և արդյունավետ է»,- հայտարարել է Ալիևը:
