Իրանը խոստանում է պատասխան հարվածներ հասցնել իր ենթակառուցվածքների վրա ցանկացած հարձակմանը

Իրանը սպառնացել է հարվածներ հասցնել ԱՄՆ-ի հետ կապված ենթակառուցվածքներին, եթե ԱՄՆ-ն իրականացնի նախագահ Դոնալդ Թրամփի սպառնալիքները՝ ուղղված Իրանի էներգետիկ օբյեկտներին, կամուրջներին և այլ ենթակառուցվածքներին, գրում  է DW-ն։

«Իրանի արձագանքը կլինի նման հարձակումներին համարժեք պատասխան», – ասել է  ԱԳՆ  խոսնակ Էսմայիլ Բաղային.  «Մեր զինված ուժերը հստակ հայտարարել են, որ եթե հարձակում իրականացվի Իրանի ենթակառուցվածքների դեմ, մենք նույն կերպ կպատասխանենք»։

«Մեր զինված ուժերը կհարվածեն ցանկացած նման ենթակառուցվածքի, որը պատկանում է Միացյալ Նահանգներին կամ որևէ կերպ կապված է դրանց հետ, կամ աջակցում է Իրանի դեմ նրանց ագրեսիային։ Սա այն չէ, ինչ մենք կանենք ինքնակամ կամ մեր ցանկությամբ։ Սա մեր պաշտպանական միջոցների մի մասն է՝ նրանց ապօրինի գործողությունների դեմ»,- հավելել է նա։

Իրանի խորհրդարանի նախագահ  Մոհամմադ Բաղեր Ղալիբաֆը այն բազմաթիվ պատգամավորներից էր մեկն է, որ դատապարտել է Թրամփի կողմից Իրանի ենթակառուցվածքների հասցեին հնչեցվող սպառնալիքների աճը։

«Դուք ոչնչի չեք հասնի ռազմական հանցագործություններով», – ասել է նա։

Իրանի կենտրոնական ռազմական հրամանատարությունը երկուշաբթի օրը զգուշացրել է «շատ ավելի ավերիչ» հակահարվածի մասին, եթե հակառակորդները հարվածեն քաղաքացիական թիրախներին։

«Եթե քաղաքացիական թիրախների վրա հարձակումները կրկնվեն, մեր հարձակողական և պատասխան գործողությունների հաջորդ փուլերը կլինեն շատ ավելի ավերիչ և լայնածավալ», – ասել է «Խաթամ ​​ալ-Անբիա» կենտրոնական շտաբի խոսնակը Telegram-ում պետական ​​IRIB հեռարձակողի կողմից հրապարակված հայտարարության մեջ։

Զգուշացումը հնչել  է այն բանից հետո, երբ ԱՄՆ նախագահ Դոնալդ Թրամփը սպառնացել է ոչնչացնել Իրանի քաղաքացիական ենթակառուցվածքները՝ պահանջելով, որ Թեհրանը համաձայնվի իր պահանջների հետ՝ որպես Պարսից ծոցում նավագնացության վերսկսման համաձայնագրի մի մաս։

ԱՄՆ նախագահ Դոնալդ Թրամփը կիրակի օրը, կարծես, ևս 24 ժամով երկարաձգել էր  Իրանին տրված վերջնաժամկետը՝ համաձայնության գալու կամ Հորմուզի նեղուցը վերաբացելու համար։

Շաբաթ օրը, նա Իրանին 48-ժամյա վերջնագիր էր ներկայացրել, հակառակ դեպքում նա կբախվի «դժոխքի»՝ ենթակառուցվածքների վրա ավերիչ հարձակումների տեսքով։ Կիրակի կեսօրին նա նոր գրառում էր արել, որպես վերջնաժամկետ նշելով «Երեքշաբթի, արևելյան ժամանակով ժամը 20:00-ն»։

Թարգմանությունը`Էմմա Չոբանյանի