02.03.2026 | 17:27
Պեսկովը նշել է՝ ինչպես կարող են ԱՄՆ-ի հարվածները Իրանին ազդել Ուկրաինայի հարցով բանակցությունների վրա
Երուսաղեմում բողոքի ակցիաների ժամանակ պաղեստինցի է զոհվել, կան վիրավորներ
Քաղաքականություն
21.07.2017 | 19:46
Առնվազն մեկ պաղեստինցի է զոհվել, ավելի քան 30-ը վիրավորվել են Երուսաղեմում, որտեղ բողոքի ակցիաներ են սկսվել Իսրայելի կողմից քաղաքի ամենակարևոր կրոնական սրբավայրերից մեկի՝ Տաճարի լեռան վրա սահմանված անվտանգության նոր միջոցների դեմ. տեղեկացնում է ria.ru-ն:
Արաբները զանգվածային աղոթքներ են կազմակերպել հենց Երուսաղեմի փողոցներում՝ հրաժարվելով Ալ-Աքսա մզկիթ բարձրանալ մետաղական դետեկտորների միջով: Քաղաքի որոշ հատվածներում բախումներ են սկսվել Իսրայելի ոստիկանության հետ:
« Մեկ պաղեստինցի է սպանվել և ավելի քան 30-ը վիրավորվել ՝ բախումների ժամանակ», – ասվում է Պաղեստինի «Կարմիր Մահիկի» զեկույցում :
Իսրայելական ոստիկանությունը հայտնել է, որ տեղեկություն ունի բախումների շրջանից Երուսաղեմի հիվանդանոցներ տեղափոխված վիրավորներից մեկի մահվան մասին: Ոստիկանությունը հավելել է նաև, որ ցուցարարների հետ բախումներում վիրավորվել է ոստիկանության չորս աշխատակից:
