22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Թրամփի հատուկ ներկայացուցիչը 64-ամյա Ալիևին «երիտասարդ, բայց առանձնահատուկ առաջնորդ» է համարում
Քաղաքականություն
29.03.2026 | 16:58
ԱՄՆ նախագահի հատուկ բանագնաց Սթիվ Ուիթքոֆը Մայամիում ընթացող FII PRIORITY գագաթնաժողովի ժամանակ խոսել է համաշխարհային «երիտասարդ, բայց առանձնահատուկ առաջնորդների» մասին, որոնք «աշխարհի հույսն են» և այդ համատեքստում օրինակելի համարել Ադրբեջանի նախագահ Ալիևին։
Թեմային նա անդրադարձել է Թրամփի ստեղծած Խաղաղության խորհրդի մասին խոսելիս։
«Նրանք բոլորը, գիտեք, իրոք երիտասարդ, բայց առանձնահատուկ առաջնորդներ են: Եվ ես կարծում եմ, որ դա հույսի փարոս է աշխարհի համար: Եվ ի դեպ, նախագահը մտերիմ էր նրանց բոլորի հետ»,-ասել է նա՝ թվարկելով մի քանի առաջնորդների անունները։
Ուիթքոֆը ավելի ուշ ավելացրել է, որ մի քանիսին մոռացել է․ «Ես մի քանիսին բաց եմ թողնում, նկատի ունեմ՝ նայեք Ադրբեջանի նախագահ Ալիևին։ Ամբողջությամբ փոխեց իր երկրի ուղղությունը (շրջադարձ կատարեց)»։
Թրամփի հատուկ ներկայացուցիչը նշել է՝ Խաղաղության խորհուրդը նույն կերպ մտածող բազմաթիվ մարդկանց համախմբում է։
Հիշեցնենք՝ Ադրբեջանի «երիտասարդ» նախագահը 64 տարեկան է, ինքը Ուիթքոֆը՝ 69։
