29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
Գեղասահորդ Կաորի Սակամոտոն աշխարհի չեմպիոն է դարձել ռեկորդային միավորներով․ ՏԵՍԱՆՅՈՒԹ
28.03.2026 | 14:10
Չեխիայի մայրաքաղաք Պրահայում ավարտին մոտեցող գեղասահքի աշխարհի առաջնության կանանց մենասահքի չեմպիոնի կոչումը նվաճել է ճապոնացի Կաորի Սակամոտոն։
Կարճ ու ազատ ծրագրերի հանրագումարում 25-ամյա գեղասահորդը վաստակել է 237,50 միավոր՝ սահմանելով աշխարհի ռեկորդ։ Այդ ցուցանիշով նախորդ ռեկորդակիրը ռուս Ալինա Զագիտովան էր, որը ԱԱ-2019-ում հավաքել էր 237,50 միավոր։
Աշխարհի փոխչեմպիոն է դարձել ճապոնացի Մոնե Տիբան, իսկ բրոնզե մեդալին արժանացել է բելգիացի Նինա Պինդզարոնեն։
Գործող օլիմպիական չեմպիոն, ամերիկացի Ալիսա Լյուն չի մասնակցել մրցմանը։
Կաորի Սակամոտոն չորրորդ անգամ է դարձել աշխարհի չեմպիոն։ Այս տարվա փետրվարին Իտալիայում կայացած ձմեռային Օլիմպիական խաղերում նա արծաթե մեդալակիր էր դարձել թիմային ու անհատական պայքարում։ Ավելի վաղ Սակամոտոն հայտարարել էր, որ այս մրցաշրջանը վերջինն է լինելու իր կարիերայում։
Հիշեցնենք, որ աշխարհի առաջնությունում Հայաստանն ուներ երեք ներկայացուցիչ։ Կարինա Ակոպովա – Նիկիտա Ռախմանին սպորտային զույգը գրավել էր 8-րդ տեղը, իսկ մենասահորդ Սեմյոն Դանիլյանցը չէր կարողացել հաղթահարել տղամարդկանց մենասահքի կարճ ծրագրի որակավորման փուլի արգելքը՝ գրավելով 26-րդ տեղը։
