27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Պենտագոնը կարող է լրացուցիչ 10,000 զինվորականի ուղարկել Մերձավոր Արևելք. WSJ
Քաղաքականություն
27.03.2026 | 10:01
ԱՄՆ նախագահ Դոնալդ Թրամփը դիտարկում է Մերձավոր Արևելք լրացուցիչ 10 հազարանոց ցամաքային զորք ուղարկելու հարցը, հաղորդում է The Wall Street Journal-ը, փոխանցում է BBC-ն։
Նշվում է, որ հնարավոր տեղակայումը Թրամփին կտա «ավելի շատ ռազմական տարբերակներ, նույնիսկ այն ժամանակ, երբ քննարկվում է Թեհրանի հետ խաղաղության բանակցությունները»։
Հրապարակման համաձայն՝ ուժերը, հավանաբար, կներառեն հետևակայինների և զրահատեխնիկա, և կմիանան տարածաշրջանում արդեն տեղակայված 5000 ամերիկացի ծովային հետևակայիններին։ Հստակ չէ, թե որտեղ են տեղակայվելու նոր զինվորական անձնակազմը և տեխնիկան։
«Զորքերի տեղակայման վերաբերյալ բոլոր հայտարարությունները կլինեն Պատերազմի նախարարությունից։ Ինչպես արդեն ասել ենք՝ նախագահ Թրամփը միշտ իր տրամադրության տակ ունի բոլոր ռազմական տարբերակները»,- ասել է Սպիտակ տան մամուլի քարտուղարի տեղակալ Աննա Քելլին։
ԱՄՆ Կենտրոնական հրամանատարության (CENTCOM) խոսնակը հրաժարվել է մեկնաբանություն տալ WSJ-ին։
Ավելի վաղ լրատվամիջոցները հայտնել էին, որ ԱՄՆ Պատերազմի նախարարությունը նախատեսում է հազարավոր լրացուցիչ զինվորների ուղարկել Մերձավոր Արևելք՝ Իրանում գործողություններին աջակցելու համար։
Թարգմանությունը՝ Էմմա Չոբանյանի
