17.08.2026 | 22:37
Էդուարդ Սպերցյանը` գոլի ու գոլային փոխանցման հեղինակ. ՏԵՍԱՆՅՈՒԹ
Շուտ լրջացեք, քանի դեռ ուշ չէ. Թրամփը՝ Իրանի բանակցողներին
Քաղաքականություն
26.03.2026 | 20:13
ԱՄՆ նախագահ Դոնալդ Թրամփը հայտարարել է, որ իրանցի բանակցողներն «աղաչում են» համաձայնության համար՝ մերժելով Թեհրանի հրապարակային դիրքորոշումը, որ այն պարզապես քննարկում է Վաշինգտոնի առաջարկը, գրում է BBC-ն։
«Ավելի լավ է՝ նրանք լուրջ վերաբերվեն դրան, քանի դեռ ուշ չէ, քանի որ երբ դա տեղի ունենա, այլևս հետդարձի ճանապարհ չի լինի, և դրանից ոչ մի լավ բան չի ստացվի»,- գրել է Թրամփը Truth Social-ում։
Նա Իրանի բանակցողներին անվանել է «շատ տարբեր» և «տարօրինակ»՝ ասելով, թե նրանք «աղաչում են» ԱՄՆ-ին գործարքի համար, նաև հավելելով, որ իրենց զինված ուժերը «ոչնչացվել են» և «վերադարձի զրոյական հավանականություն կա»։
«Այնուամենայնիվ, նրանք հրապարակավ հայտարարում են, որ միայն «դիտարկում են մեր առաջարկը»։ Սխալ է»,- գրել է նա։
Իրանի արտաքին գործերի նախարար Աբբաս Արաղչին հայտարարել էր, որ երկիրն «առայժմ բանակցություններ վարելու մտադրություն չունի»։ Նա ասել էր, թե ուղերձները «փոխանցվել են բարեկամ երկրների միջոցով», սակայն այդ փոխանակումները «ո՛չ երկխոսություն էին, ո՛չ բանակցություններ, ո՛չ էլ նման որևէ բան»։
Թարգմանությունը՝ Էմմա Չոբանյանի
