06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Մոտակա շենքերի բնակիչները տարհանվել են. ՆԳՆ խոսնակը՝ խոշոր հրդեհի մասին
25.03.2026 | 21:29
Երևանի Ազատության պողոտայի 19 հասցեում գտնվող նախկին «Կանազ» մշակույթի տան չգործող չորսհարկանի շինությունում բռնկված հրդեհը մեկուսացվել է։ Այս մասին տեղեկացնում են ՆԳՆ Փրկարար ծառայությունից։
Ըստ նախնական տվյալների՝ տուժածներ չկան։
Դեպքի վայրում լրագրողների հետ ճեպազրույցում ՆԳՆ մամուլի խոսնակ Նարեկ Սարգսյանը տեղեկացրել է, որ մոտակա շենքերի բնակիչները տարհանվել են։
Ըստ խոսնակի՝ հաջողվել է խուսափել ավելի մեծ վտանգից. «Փրկարարները շատ կարևոր աշխատանք են կատարել։ Ինչպես տեսնում եք՝ երկու հատվածներում բնակելի շենքեր են շատ մոտ, և կանխել են կրակի տարածումը դեպի բնակելի շենքեր»:
Նրա խոսքերով՝ պատճառների ու հնարավոր տուժածների մասին խոսելը դեռ վաղ է։
«Կարծում ենք՝ դեռ երկար կտևի, քանի որ բարդություն է առաջացել նաև նրանից, որ շենքն ունի բաղդատային հատված, որն ավելի հեշտ է այրվում։ Այդ հատվածում նաև քանդման աշխատանքներ են իրականացվում»,- հավելեց Սարգսյանը։
Ավելի վաղ տեղեկացրել էինք, որ հրդեհի բարդությունից ելնելով՝ հայտարարվել է «Թիվ 3 կանչ». դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից 12 մարտական հաշվարկ, երկու ջրատար, հոգեբանական աջակցության և բժշկական ապահովման վարչության հերթապահ խումբը։
