19.03.2026 | 19:25
Մենք բոյկոտում ենք ԱՄՆ-ը, բայց ոչ աշխարհի առաջնությունը․ Իրանի ֆուտբոլի ֆեդերացիայի նախագահ
45 տրոլեյբուսները շուտով կուղևորվեն Երևան. Տիգրան Ավինյան
Տնտեսություն
19.03.2026 | 17:46
Երևանի քաղաքապետ Տիգրան Ավինյանը հայտնել է, որ 45 նոր չինական տրոլեյբուսներն արդեն արտադրվել են և շուտով կուղևորվեն դեպի Երևան։
Քաղաքապետը նաև տեղեկացրել է, որ դրանց երթուղի դուրս գալուն պես մայրաքաղաքում հին տրոլեյբուսներ չեն լինի։
Հիշեցնենք, որ այս տրոլեյբուսների ձեռքբերման գումարի զգալի մասը հատկացվել է «Աջափնյակ» մետրոյի կայարանի կառուցման համար նախատեսված 9.6 միլիարդ դրամից:
2025 թվականի ամռանը Տիգրան Ավինյանի նախկին խոսնակ Հայկ Կոստանյանը հայտարարել էր, որ ուղեվարձի թերհավաքագրումների հետևանքով 45 տրոլեյբուսից 30-ը հնարավորություն չի լինելու գնել։ 2025 թվականի բյուջեով նախատեսվում էր, որ տրանսպորտի ուղեվարձերի եկամտից ստացված միջոցները պետք է լինեին 21 միլիարդ 303 միլիոն 814 հազար դրամ, բայց նոյեմբերի 4-ի դրությամբ՝ փաստացի հավաքագրվել էր 12 միլիարդ 806 միլիոն 901 հազար դրամ։ Գործադիրը երկու փուլով ավելի քան 5 միլիարդ դրամ է հատկացրել քաղաքապետարանին՝ 45 տրոլեյբուս գնելու և բազմաբնակարան շենքերի 104 հին վերելակ փոխարինելու նպատակով։
Հատկանշական է, որ Երևանի 2026 թվականի բյուջեով 45 տրոլեյբուսների ձեռքբերման պայմանագրի ընդհանուր գումարի 70%-ի վճարումն է նախատեսված: Փաստաթղթի համաձայն` պայմանագրի մնացյալ 30%-ը վճարվել է 2025 թվականի բյուջետային տարում:
Արփի Հակոբյան
