05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Սենեգալն Աֆրիկայի գավաթից զրկվելու որոշումը կբողոքարկի CAS-ում
18.03.2026 | 17:47
Սենեգալի ֆուտբոլի ֆեդերացիան Մարզական արբիտրաժային դատարանում (CAS) կբողոքարկի Աֆրիկայի ֆուտբոլի կոնֆեդերացիայի (CAF) որոշումը, հաղորդում է կազմակերպության մամուլի ծառայությունը։
Ավելի վաղ CAF-ը Սենեգալի հավաքականին զրկել էր Աֆրիկայի ազգերի գավաթի խաղարկության չեմպիոնի կոչումից ու այն տվել էր եզրափակիչում պարտված Մարոկկոյի հավաքականին։
Հունվարի 18-ին կայացած եզրափակիչի հանդիպման հիմնական ժամանակի ավելացված 8-րդ րոպեին գլխավոր մրցավարը 11-մետրանոց հարված էր նշանակել Սենեգալի հավաքականի դարպասին։ Դրանից հետո սենեգալցիները հրաժարվել էին շարունակել խաղը և գնացել էին հանդերձարան։ Այնուամենայնիվ, քիչ անց Սենեգալի հավաքականը վերադարձել էր խաղադաշտ և որոշել շարունակել հանդիպումը։ 13 րոպե անց խաղը շարունակվել էր։ Մարոկկոյի հավաքականի ու Մադրիդի «Ռեալի» հարձակվող Բրաիմ Դիասն էլ վրիպել է 11-մետրանոցից և խաղը տեղափոխվել էր լրացուցիչ ժամանակ, որի սկզբնամասում սենեգալցիները խփել էին հաղթական գոլը։ CAF-ի կարգապահական մարմինները Սենեգալի հավաքականի գործողությունները համարել են կանոնակարգի խախտում և եզրափակիչից երկու ամիս անց չեմպիոն են ճանաչել Մարոկկոյի հավաքականին։
