17.08.2026 | 23:08
Զորականում և Ամասիայում շչակներ են փորձարկվելու
Մարոկկոն չեմպիոն է ճանաչվել Աֆրիկայի ազգերի գավաթի եզրափակիչում պարտվելուց 2 ամիս անց
18.03.2026 | 12:17
Աֆրիկայի ֆուտբոլի կոնֆեդերացիան (CAF) վերանայել է Աֆրիկայի ազգերի գավաթի խաղարկության եզրափակիչի արդյունքն ու բավարարել Մարոկկոյի հավաքականի բողոքարկումը, հաղորդում է CAF-ի պաշտոնական կայքը։
Եզրափակիչում հաղթանակի հասած Սենեգալի հավաքականին տեխնիկական պարտություն է գրանցվել 0։3 հաշվով։ Չեմպիոն է հռչակվել Մարոկկոյի հավաքականը, որը պարտվել էր հունվարի 18-ին կայացած եզրափակիչում։
Հանդիպման հիմնական ժամանակի ավելացված 8-րդ րոպեին գլխավոր մրցավարը 11-մետրանոց հարված էր նշանակել Սենեգալի հավաքականի դարպասին։ Դրանից հետո սենեգալցիները հրաժարվել էին շարունակել խաղը և գնացել էին հանդերձարան։ Այնուամենայնիվ, քիչ անց Սենեգալի հավաքականը վերադարձել էր խաղադաշտ և որոշել շարունակել հանդիպումը։ 13 րոպե անց խաղը շարունակվել էր։ Մարոկկոյի հավաքականի ու Մադրիդի «Ռեալի» հարձակվող Բրաիմ Դիասն էլ վրիպել է 11-մետրանոցից և խաղը տեղափոխվել էր լրացուցիչ ժամանակ, որի սկզբնամասում սենեգալցիները խփել էին հաղթական գոլը։
CAF-ի կարգապահական մարմինները Սենեգալի հավաքականի գործողությունները համարել են կանոնակարգի խախտում և եզրափակիչից երկու ամիս անց չեմպիոն են ճանաչել Մարոկկոյի հավաքականին։
