13.05.2026 | 14:12
Երևանում կասեցվել է «Պիցցա Տաշիր»-ի սննդի կետերից մեկի արտադրական գործունեությունը
ՔՆՆԱՐԿՈւՄ․ Թեժանում է Իրանի և ԱՄՆ-ի, Իսրայելի միջև պատերազմը․ ի՞նչ արդյունքով կավարտվի այն
Քաղաքականություն
04.03.2026 | 21:30
Մերձավոր Արևելքը մնում է աննախադեպ ռազմական էսկալացիայի էպիկենտրոնում։ Իրանի դեմ ամերիկա-իսրայելական գործողությունները մտել են գերակտիվ, գուցե՝ վճռորոշ փուլ։ Իսրայելի պաշտպանության նախարարը հայտարարում է, թե կթիրախավորվի Իրանի նոր հոգևոր առաջնորդին, եթե նա շարունակի Իսրայելի և ԱՄՆ-ի դեմ քաղաքականությունը։ ԱՄՆ նախագահ Դոնալդ Թրամփն իր հերթին հայտարարել է Իրանի ռազմածովային և օդային ուժերի լիակատար ջախջախման մասին՝ շեշտելով ամերիկյան զինամթերքի «անսահմանափակ» պաշարների գործոնը։ Ըստ ԱՄՆ նախագահի՝ ԱՄՆ-ն կարող է պատերազմը շարունակել անվերջ։
Քաղաքացիական զոհերի թիվն անցել է հազարը։ Մինաբում տեղի է ունեցել 165 դպրոցական աղջիկների հուղարկավորությունը։ Նավթի գները հատել են 82 դոլարի սահմանագիծը, իսկ Հորմուզի նեղուցի փակումը սպառնում է համաշխարհային էներգետիկ կոլապսով։ Ռազմական գործողությունները չեն շրջանցել նաև միջուկային օբյեկտները. ԱԷՄԳ-ն արդեն հաստատել է Նաթանզի ստորգետնյա գործարանի մուտքի վնասումը, ինչը մեծացնում է ռադիացիոն աղետի ռիսկերը։
Միևնույն ժամանակ, Վաշինգտոնը պատրաստ է կոշտ պատժամիջոցներ կիրառել Իսպանիայի և Միացյալ Թագավորության դեմ, ովքեր հրաժարվում են տրամադրել իրենց ռազմաբազաները։
Արդյո՞ք սա պատերազմի վերջին փուլն է, սպասե՞լ կտրուկ փոփոխությունների Իրանում և նոր իշխանության ձևավորում։ Եվ իհարկե՝ ի՞նչ հետևանքներ կունենա այս պատերազմը Հայաստանի և տարածաշրջանի անվտանգության համար։
Factor TV-ում հրավիրված քննարկմանը մասնակցում են Գեորգի Միրզաբեկյանը՝ արևելագետ, պատմական գիտությունների թեկնածու, Ռոբերտ Ղևոնդյանը՝ Հայկական խորհրդի փորձագետ, քաղաքագետ, Նելլի Մինասյանը՝ թուրքագետ, ԵՊՀ Հայագիտական հետազոտությունների ինստիտուտի բաժնի վարիչ, Սամվել Մելիքսեթյանը՝ Հայկական խորհրդի փորձագետ, քաղաքագետ, Ռուբիկ Ղահրաման Մինասյանը՝ Իրանի իրադարձությունները լուսաբանող լրագրող։
Հաղորդումն ամբողջությամբ՝ տեսանյութում։
