04.09.2026 | 22:08
Պաշտոնանկություններ՝ վարչապետի որոշմամբ
Նիկոլ Փաշինյանը չի արձագանքել Պավել Մանուկյանի հանդիպման առաջարկին
Քաղաքականություն
14.11.2018 | 12:57
Ազատամարտիկ, «Սասնա ծռեր» խմբի անդամ Պավել Մանուկյանն ազատ արձակվելուց հետո հայտարարեց, որ ցանկանում է հանդիպել վարչապետ Նիկոլ Փաշինյանին, նույն հրապարակային առաջարկը նա հնչեցրեց նաև Factor.am-ի տաղավարում։
Այսօր «Սասնա ծռերի»գործով դատական նիստից առաջ Պավել Մանուկյանից հետաքրքրվեցինք՝ արդյոք կայացել է վարչապետի հետ հանդիպումը։ Պավել Մանուկյանը հայտնեց, որ հանդիպում չի եղել, իր առաջարկի հետ կապված որևէ արձագանք չի ստացել։
Ի դեպ, երբ զրուցում էինք Պավել Մանուկյանի հետ, մեզ մոտեցավ «Սասնա Ծռեր» կուսակցության ընտրացուցակը գլխավորող Վարուժան Ավետիսյանը։ Նրանք Պավել Մանուկյանի հետ ձեռքսեղմամբ ողջունեցին միմյանց, ապա քայլելով առանձնացան՝ զրուցելու։
Սա ուշագրավ էր այն պատճառով, որ Պավել Մանուկյանը մոտ մեկ ամիս առաջ Factor.am-ի տաղավարում հայտարարել էր, թե իր երբեմնի «սիրելի Վարուժանը, դարձել է զզվելի»։
Հուսանք, որ երբեմնի ընկերները հաշտվել են։
