10.10.2026 | 14:28
ԵՄ-ն շնորհավորել է Երևանի 2808-ամյակը
Թրամփը հայտարարել է, որ ԱՄՆ-ը դեռևս չի սկսել Իրանին լուրջ հարվածներ հասցնել, նաև «հարվածների մեծ ալիք» խոստացել
Քաղաքականություն
02.03.2026 | 22:01
ԱՄՆ-ը դեռևս չի սկսել լուրջ հարվածներ հասցնել Իրանին։ CNN-ին տված հեռախոսազրույցում այս մասին հայտարարել է ԱՄՆ նախագահ Դոնալդ Թրամփը։ Նա հավելել է՝ հարվածների «մեծ ալիքը» դեռ առջևում է, գրում է Meduza-ն։
«Կարծում եմ՝ ամեն ինչ շատ լավ է ընթանում։ Սա շատ հզոր է։ Մենք ունենք աշխարհի ամենահզոր բանակը, և մենք այն օգտագործում ենք»,- ասել է Թրամփը։
Հարցին՝ արդյո՞ք ԱՄՆ-ը ձեռնարկում է որևէ լրացուցիչ գործողություն՝ բացի ռազմական գործողություններից, Իրանի ժողովրդին ռեժիմը տապալելու հարցում օգնելու համար, Թրամփը դրական է պատասխանել, բայց չի մանրամասնել, թե ինչի մասին է խոսքը։
«Բայց հիմա մենք ուզում ենք, որ բոլորը մնան տանը։ Դրսում անվտանգ չէ։ Մենք դեռ չենք սկսել նրանց լուրջ հարվածել։ Մեծ ալիքը դեռ չի հասել։ Մեծ ալիքը գալիս է»,- հավելել է ԱՄՆ նախագահը։
Մինչ այժմ Թրամփի համար ամենամեծ անակնկալն Իրանի հարձակումներն են տարածաշրջանի արաբական երկրների՝ Բահրեյնի, Հորդանանի, Քուվեյթի, Կատարի և ԱՄԷ-ի վրա։
«Մենք զարմացանք։ Մենք նրանց ասացինք՝ «Մենք սա կշտկենք», և հիմա նրանք (Պարսից ծոցի երկրները) ուզում են կռվել»,- հայտարարել է Թրամփը։
Թարգմանությունը՝ Էմմա Չոբանյանի
