02.07.2026 | 10:00
Արտարժույթների փոխարժեքները՝ հուլիսի 2-ի դրությամբ
Ալիևն ընդունել է ՌԴ փոխվարչապետին. քննարկվել են AZAL-ի ինքնաթիռի խոցումը, տրանսպորտային հաղորդակցությունների հարցեր
Քաղաքականություն
02.03.2026 | 21:27
Ադրբեջանի նախագահ Իլհամ Ալիևն ընդունել է Ռուսաստանի փոխվարչապետ, միջկառավարական հանձնաժողովի համանախագահ Ալեքսեյ Օվերչուկին։ Ադրբեջանական կողմի հաղորդմամբ՝ հանդիպման ընթացքում ռուսական կողմն «անկեղծ երախտագիտություն» է հայտնել Ադրբեջանի ղեկավարությանը տարածաշրջանում ստեղծված բարդ և լարված իրավիճակում Իրանից Ռուսաստանի քաղաքացիների տարհանման գործում ցուցաբերած արագ օգնության համար։
Զրույցի ընթացքում նշվել է, որ «2025 թվականի հոկտեմբերի 9-ին Դուշանբեում Ադրբեջանի և Ռուսաստանի ղեկավարների հանդիպման ժամանակ ձեռք բերված պայմանավորվածությունների համաձայն՝ կողմերն առաջիկայում կիրականացնեն գործնական քայլերի շարք՝ 2024 թվականի դեկտեմբերի 25-ին AZAL-ի ինքնաթիռի վթարի հետևանքով առաջացած խնդիրները լուծելու համար»։
Հանդիպմանը քննարկվել են տարածաշրջանում տրանսպորտային հաղորդակցությունների զարգացման հեռանկարները։ Հաստատվել է Հյուսիս-Հարավ միջազգային տրանսպորտային միջանցքի զարգացման աշխատանքները շարունակելու համատեղ հանձնառությունը։
Թարգմանությունը՝ Էմմա Չոբանյանի
