09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ՇՄՆ-ն ու Ռաուլ Վալենբերգի մարդու իրավունքների և մարդասիրական իրավունքի ինստիտուտը համագործակցության հուշագիր են ստորագրել
Տնտեսություն
28.02.2026 | 20:00
Համագործակցության հուշագիր է կնքվել Շրջակա միջավայրի նախարարության և Ռաուլ Վալենբերգի մարդու իրավունքների և մարդասիրական իրավունքի ինստիտուտի միջև: Այս մասին տեղեկացնում են նախարարությունից։
Շրջակա միջավայրի նախարարի տեղակալ Արամ Մեյմարյանը և Ռաուլ Վալենբերգի մարդու իրավունքների և մարդասիրական իրավունքի ինստիտուտի Հայաստանյան գրասենյակի տնօրեն Լաուրա Միլնը ստորագրել են փոխըմբռնման հուշագիր՝ շրջակա միջավայրի պահպանության ոլորտում մարդու իրավունքների միջազգային չափանիշների կիրառումը խթանելու նպատակով։ Այս մասին տեղեկացնում են ՀՀ շրջակա միջավայրի նախարարությունից։
Հուշագրի շրջանակում Հայաստան էր ժամանել Ինստիտուտի տարածաշրջանային տնօրեն Ջոյսոն Նաումը։
«Հուշագրի նպատակն է աջակցել շրջակա միջավայրին առնչվող մարդու իրավունքների օրենսդրության և միջազգային կոնվենցիաների արդյունավետ կիրառմանը, այդ թվում՝ Օրհուսի և Կենսաբանական բազմազանության մասին կոնվենցիաների շրջանակում։
Համագործակցության շրջանակում Ինստիտուտը նախարարությանը կտրամադրի փորձագիտական աջակցություն՝ կենսաբազմազանության պահպանման, պահպանվող տարածքների կառավարման, կլիմայի փոփոխության քաղաքականության, ինչպես նաև հասարակության մասնակցության և շրջակա միջավայրի արդարադատության մատչելիության ուղղություններով։
Կողմերը նաև համատեղ կաշխատեն 2026 թվականին կայանալիք ՄԱԿ-ի Կենսաբանական բազմազանության մասին կոնվենցիայի կողմերի 17-րդ համաժողովի (COP17) նախապատրաստման և անցկացման ուղղությամբ»,- ասված է հաղորդագրությունում:
