27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Սերժ Սարգսյանը մանիպուլացնում է․ ՀԱԷԿ-ի փակումը կա՛ իր ստորագրած CEPA-ում
27.02.2026 | 19:29
Երրորդ նախագահ Սերժ Սարգսյանը փետրվարի 27-ի ճեպազրույցում ընտրողաբար է անդրադարձել Մեծամորի ատոմակայանի փակման մասին վարչապետ Նիկոլ Փաշինյանի պնդումներին և նրան վերագրել է բառեր, որոնք չեն ասվել։ Սարգսյանը ասել է․
«Հայաստանի կառավարիչն ասում էր 2036 թվական։ Ինքներդ կարող եք CEPA-ն վերցնել, նայել՝ արդյո՞ք CEPA-ում էդպիսի բան կա։ Չկա։ Իսկ ցանկացած ատոմակայան ․․․ ինչ-որ պահի պետք է փակվի։ Մենք ոչ թե փակելու մասին ենք պայմանավորվել, պայմանավորվել ենք, բանակցել ենք 20 տարի երկարացնելու պայմանով։ Եվ շնորհիվ այդ բանակցությունների՝ այսօր ատոմակայանը գործում է»։
Մինչդեռ փետրվարի 11-ին Փաշինյանը ԱԺ-ում հայտարարել է հետևյալը․
«Այն, որ Մեծամորի ատոմակայանը պետք է փակվի, դա Հաապարփակ և ընդլայնված գործընկերության համաձայնագրով (CEPA) ստանձնել է Սերժ Սարգսյանը»։
Այսինքն Փաշինյանը տարեթիվ չի նշել, ինչպես պնդում է Սարգսյանը։ Նա նշել է, որ Սարգսյանն է համաձայնել ատոմակայանի փակմանը՝ ստորագրելով ԵՄ-ի հետ համաձայնագիրը։
Իսկ բուն համաձայնագրում միջուկային համագործակցության մասին ասվում է հետևյալը․
«Այդ ոլորտում համագործակցությունը կներառի. <…> (ii) Մեծամորի ատոմակայանի փակումը և անվտանգ ապագործարկումը, ինչպես նաև դրա համար ճանապարհային քարտեզի կամ գործողությունների ծրագրի վաղաժամկետ ընդունումը՝ հաշվի առնելով այն նոր հզորություններով փոխարինելու անհրաժեշտությունը՝ ՀՀ էներգետիկ անվտանգությունն ու կայուն զարգացման պայմանները ապահովելու համար»:
Փաստացի, Սարգսյանի ասած 20 տարի ժամկետը որևէ կերպ հիշատակված չէ ԵՄ-ի հետ համաձայնագրում։ Այնտեղ միայն նշվում է, որ պետք է նախապես քայլեր ձեռնարկել ատոմակայանի փոխարեն նոր կարողություններ ստեղծելու ուղղությամբ։
Գարիկ Հարությունյան
