20.05.2026 | 17:48
ԱՄՆ ներգաղթային վիզայի դիմողների համար բուժզննումը պարտադիր է
Պեսկովը հայտարարել է, որ «հատուկ ռազմական գործողության» նպատակները դեռևս չեն իրականացվել
Քաղաքականություն
24.02.2026 | 21:14
Այսօր լրանում է Ուկրաինա ՌԴ ներխուժման 4-րդ տարելիցը։ Ռուսաստանի նախագահի մամուլի քարտուղար Դմիտրի Պեսկովը այսօր հայտարարել է, որ «հատուկ ռազմական գործողության» նպատակներն իրագործված չեն, գրում է Կոմերսանտը։
Նրա խոսքով՝ «գլխավոր նպատակը Ուկրաինայի արևելքում ապրող և մահացու վտանգի տակ գտնվող մարդկանց անվտանգությունն ապահովելն է»։ Նշենք, որ Մոսկվան Ուկրաինայի դեմ սանձազերծած պատերազմն անվանում է հատուկ ռազմական գործողություն , և ՌԴ-ում հետապնդվում են բոլոր նրանք, ովքեր այն անվանում են պատերազմ։
«Այո՛, նպատակները լիովին դեռևս չեն իրականացվել», – ասել է Կրեմլի մամուլի քարտուղարը։
Նա ընդգծել է, թե հատուկ ռազմական գործողությունը սկսվել է որպես Կիևի հետ առճակատում, բայց «Արևմտյան Եվրոպայի երկրների և Միացյալ Նահանգների անմիջական միջամտությունից հետո» այն փաստացի վերածվել է Մոսկվայի և Արևմուտքի միջև առճակատման։
Պեսկովը ընդգծել է, որ «Ռուսաստանը շարունակում է բաց մնալ իր նպատակներին հասնելու համար» դիվանագիտական միջոցներով։
Թարգմանությունը՝ Էմմա Չոբանյանի
