03.04.2026 | 11:55
Ուլյանովսկի մարզում ուղևորատար գնացքի յոթ վագոն դուրս է եկել գծերից. կան տուժածներ
Ավելի քան 200,000 զոհ․ լրագրողները հաշվել են Ուկրաինայի դեմ պատերազմում ՌԴ կորուստները
Քաղաքականություն
24.02.2026 | 16:34
BBC-ի ռուսական ծառայության, Mediazona-ի և կամավորների թիմի տվյալներով՝ Ուկրաինա լայնածավալ ներխուժման չորս տարիների ընթացքում զոհվել է առնվազն 200,186 ռուս զինծառայող, գրում է Current time-ը։
2025 թվականին հաստատվել է 49,935 ռուս զինվորականի մահ։ Լրագրողների կարծիքով, անցյալ տարի ռուս զինվորականների մահերի թիվը կարող է գերազանցել 90,000-ը, քանի որ տասնյակ հազարավոր մահվան դեպքերի մասին տվյալներ մնում են չմշակված։
«Ներկայումս հայտնի է, որ 2025 թվականին 40%-ով ավելի շատ մահախոսականներ են հրապարակվել, քան նախորդ տարի։ Կարելի է բարձր վստահությամբ ասել, որ 2025 թվականը՝ չնայած հնարավոր խաղաղության շուրջ մի շարք դիվանագիտական հանդիպումներին և բանակցություններին, ամենաարյունալի տարին կլինի ռուսական բանակի համար», – նշվում է հրապարակման մեջ։
Զոհերի մեծամասնությունը (57%), ինչպես նախկինում, կամավորներ, մոբիլիզացվածներ և դատապարտյալներ են: Եվրոպական քաղաքականության վերլուծության կենտրոնի հետազոտող Ալեքսանդր Կոլյանդրը կանխատեսում է, որ պատերազմին վճարովի պայմանագրով մասնակցել ցանկացողների թիվը միայն կաճի, քանի որ տնտեսությունը դանդաղում է, իսկ աշխատավարձի աճը նվազում է։
Լրագրողների վերլուծության համաձայն՝ պայմանագիրը ամենից հաճախ ստորագրում են փոքր քաղաքների և գյուղերի բնակիչները, որտեղ կայուն և լավ վարձատրվող աշխատանք չկա, և տեղական ինքնակառավարման մարմինների ագիտացիան կարող է ավելի գործուն լինել, քան խոշոր քաղաքներում։
Թարգմանությունը՝ Էմմա Չոբանյանի
