13.05.2026 | 16:21
Իրաքի հավաքականի 5 ֆուտբոլիստներ ԱՄՆ-ի մուտքի վիզա չեն ստացել ԱԱ-2026-ից առաջ
ՀՀ և Պորտուգալիայի ԱԳՆ ներկայացուցիչները քննարկել են երկկողմ և տարածաշրջանային օրակարգը
Քաղաքականություն
23.02.2026 | 21:13
Փետրվարի 23-ին Ժնևում, ՄԱԿ մարդու իրավունքների խորհրդի 61-րդ նստաշրջանի շրջանակում, ՀՀ ԱԳ նախարարի տեղակալ Ռոբերտ Աբիսողոմոնյանը հանդիպել է Պորտուգալիայի արտաքին գործերի և համագործակցության պետքարտուղար Անա Իսաբել Խավիերի հետ՝ քննարկելով երկկողմ համագործակցության խորացման, միջազգային հարթակներում փոխգործակցության և Հարավային Կովկասում վերջին զարգացումների հարցերը։ Այս մասին տեղեկացնում են ՀՀ ԱԳՆ-ից։
«Զրուցակիցները գոհունակությամբ արձանագրել են բազմակողմ հարթակներում և միջազգային կազմակերպությունների շրջանակներում Հայաստանի և Պորտուգալիայի միջև ձևավորված դրական փոխգործակցությունը՝ վերահաստատելով երկկողմ պատրաստակամությունը խորացնելու համագործակցությունը փոխադարձ հետաքրքրություն ներկայացնող հարցերի շուրջ: Այս համատեքստում ընդգծվել է Մարդու իրավունքների խորհրդի շրջանակներում ընդհանուր շահերի ու արժեքների խթանմանն ուղղված փոխգործակցության կարևորությունը:
ԱԳ նախարարի տեղակալ Ռոբերտ Աբիսողոմոնյանն իր գործընկերոջն է ներկայացրել այս տարի Հայաստանում հյուրընկալվելիք Եվրոպական քաղաքական համայնքի 8-րդ գագաթնաժողովին և ՄԱԿ Կենսաբազմազանության մասին կոնվենցիայի կողմերի 17-րդ համաժողովին ընդառաջ իրականացվող աշխատանքները և դրանց անցկացման հարցում ՀՀ տեսլականը:
Մտքեր են փոխանակվել նաև Հարավային Կովկասում վերջին զարգացումների շուրջ: ԱԳ նախարարի տեղակալն ընդգծել է խաղաղության ինստիտուցիոնալացման կարևորությունը: Անդրադարձ է կատարվել տարածաշրջանային փոխկապակցվածության ապահովմանն ուղղված ծրագրերին»,- ասվում է հաղորդագրությունում:
