04.09.2026 | 23:10
ԱՄՆ պատվիրակության՝ Մոսկվա այցի ընթացքում Ուկրաինան չի հարվածի Ռուսաստանին. Զելենսկի
ՀԱՊԿ-ն իր ներսում խնդիրներ ունի շտկելու. ԱԳՆ խոսնակը Լուկաշենկոյի հայտարարության հետ կապված իրավիճակը կոռեկտ չի համարում
Քաղաքականություն
13.11.2018 | 13:38
Հայաստանը ՀԱՊԿ-ն դիտարկում է որպես հավաքական անվտագության օրակարգի շուրջ քննարկումների օրակարգի հարթակ, որը վերաբերում է վեց երկրների, և վերջին զարգացումն ի ցույց է դնում, որ ՀԱՊԿ-ն իր ներսում խնդիրներ ունի շտկելու: Այս մասին այսօր՝ նոյեմբերի 13-ին, տեղի ունեցած ճեպազրույցում նշեց ՀՀ ԱԳՆ խոսնակ Աննա Նաղդալյանը՝ պատասխանելով Բելառուսի նախագահի և այդ երկրում Ադրբեջանի դեսպանի հանդիպման ժամանակ ՀԱՊԿ գլխավոր քարտուղարի հետ կապված խնդիրը քննարկելու նպատակահարմարության մասին հարցին:
«Բնականաբար, այս զարգացումն ի ցույց է դնում, որ ՀԱՊԿ շրջանակում դեռևս նմանօրինակ զարգացումների վերաբերյալ քննարկումների անհրաժեշտություն կա: Սա ի ցույց է դնում, որ ՀԱՊԿ-ն իր ներսում խնդիրներ ունի շտկելու: Ինչ վերաբերում է այս իրադրությանը, պետք է նշեմ, որ դա, ի վերջո, կոռեկտ չէ»,- ընդգծեց Աննա Նաղդալյանը:
Ինչ վերաբերում է Կազմակերպությունում նախագահությանը. ԱԳՆ խոսնակը հիշեցրեց, որ Հայաստանը ՀԱՊԿ-ում նախագահել է 2015-2016 թվականներին, և դա համարվել է ամենահաջող նախագահություններից մեկը. «Սա կարող եմ համարել լավագույն պատասխանը մեր նախկին նախագահության գնահատականին»:
Հիշեցնենք, որ Բելառուսի նախագահ Ալեքսանդր Լուկաշենկոն Մինսկում Ադրբեջանի դեսպանի հետ հանդիպմանը խոսել էր ՀԱՊԿ նոր գլխավոր քարտուղարի ընտրության մասին՝ նշելով, որ Հայաստանը ղեկավարում է ԵՏՄ-ում և ՀԱՊԿ-ում, ինչը ծանր բեռ է անցումային փուլում գտնվող երկրի համար:
