07.09.2026 | 14:59
Պեսկովը հայտնել է Փաշինյան-Պուտին հանդիպման օրակարգը
Բրիտանիայի թագավորի եղբայրն ազատ է արձակվել 12 ժամ տևած հարցաքննությունից հետո. հետաքննությունը շարունակվում է
Քաղաքականություն
20.02.2026 | 11:04
Մեծ Բրիտանիայի Չարլզ III թագավորի կրտսեր եղբայրը՝ Էնդրյու Մաունթբաթեն-Վինձորը, ազատ է արձակվել և հեռացել ոստիկանական բաժանմունքից գրեթե 12 ժամ տևած հարցաքննությունից հետո, հայտնել է The Guardian-ը։
Էնդրյուն ձերբակալվել էր նախօրեին առավոտյան՝ պետական պաշտոնեական պարտականությունները չարաշահելու կասկածանքով։ Ոստիկանությունը հայտնել է, որ Էնդրյուն «ազատ է արձակվել հետաքննության շրջանակում», ինչը նշանակում է, որ նրա նկատմամբ քննությունը շարունակվում է։
Ավելի վաղ հաղորդվել էր, որ ոստիկանությունը հետաքննում է Էնդրյուի կապերը սեռական հանցագործությունների համար դատապարտված ամերիկացի ֆինանսիստ Ջեֆրի Էփշթեյնի հետ, ինչպես նաև մեղադրանքներն այն մասին, որ Մեծ Բրիտանիայի միջազգային առևտրի և ներդրումների հարցերով հատուկ ներկայացուցչի պաշտոնում ծառայելիս նա կարող էր չարաշահել պետական պաշտոնեական լիազորությունները և ծառայողական գաղտնիքներ փոխանցել Էփշթեյնին։ Բարձրացած սկանդալից հետո Էնդրյուն զրկվել է արքայազնի և մի շարք այլ տիտղոսներից։
Նախկին արքայազնը հերքում է բոլոր մեղադրանքները։
Թարգմանությունը՝ Էմմա Չոբանյանի
