07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
«Օրենքը պետք է հաղթանակի». Բրիտանիայի Չարլզ III թագավորը` եղբոր ձերբակալության մասին
Քաղաքականություն
19.02.2026 | 18:17
Մեծ Բրիտանիայի Չարլզ III թագավորը հայտարարել է, որ «խորապես մտահոգված է» իր կրտսեր եղբոր՝ Էնդրյու Մաունթբաթեն-Վինձորի ձերբակալության մասին լուրի կապակցությամբ՝ պետական պաշտոնեական պարտականությունները չարաշահելու կասկածանքով, գրում է BBC-ն։
«Այժմ հետևում է լիարժեք, արդար և պատշաճ գործընթաց, որի միջոցով այս հարցը քննվում է համապատասխան ձևով և համապատասխան մարմինների կողմից։ Այս հարցում, ինչպես արդեն ասել եմ, նրանք ունեն մեր լիակատար և անկեղծ աջակցությունն ու համագործակցությունը։ Թույլ տվեք հստակ ասել՝ օրենքը պետք է հաղթանակի։ Քանի դեռ այս գործընթացը շարունակվում է, ճիշտ չի լինի, որ ես լրացուցիչ մեկնաբանություններ անեմ այս հարցի վերաբերյալ։ Միևնույն ժամանակ, ես և իմ ընտանիքը կշարունակենք կատարել մեր պարտականությունը և ծառայել ձեզ բոլորիդ»,- ասվում է թագավորի հայտարարության մեջ։
Բրիտանական լրատվամիջոցների փոխանցմամբ՝ նախկին արքայազն Էնդրյու Մաունթբաթեն-Վինձորը, որն այսօր դարձավ 66 տարեկան, ձերբակալվել է Նորֆոլքի Սանդրինգհեմի իր կալվածքում: Նա կասկածվում է 2001-2011 թվականների ընթացքում իր պաշտոնավարման ժամանակահատվածում պաշտոնեական չարաշահումների մեջ, երբ նա զբաղեցնում էր Մեծ Բրիտանիայի միջազգային առևտրի և ներդրումների հարցերով հատուկ ներկայացուցիչի պաշտոնը:
Թարգմանությունը՝ Էմմա Չոբանյանի
