11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Մենք բաց երկխոսություն ունենք գործընթացում ներառված բոլոր կողմերի հետ. Աննա Նաղդալյանը՝ Իրանի դեմ ամերիկյան նոր պատժամիջոցների ազդեցության մասին
Քաղաքականություն
13.11.2018 | 12:03
Հայաստանն ուշադրությամբ հետևում է Իրանի դեմ սահմանված պատժամիջոցների կիրառմամբ ստեղծված զարգացումներին: Այսօր՝ նոյեմբերի 13-ին, տեղի ունեցած ճեպազրույցում այս մասին ասաց ՀՀ ԱԳՆ խոսնակ Աննա Նաղդալյանը՝ պատասխանելով Իրանի դեմ ԱՄՆ-ի սահմանած նոր պատժամիջոցների և Հայաստանի վրա դրանց ազդեցության մասին հարցին:
«Արվում են համապատասխան գնահատականներ, դրանց հիման վրա ձեռնարկվելու են համապատասխան քայլեր: Այս փուլում կարող եմ ընդգծել, որ մենք բաց երկխոսություն ունենք գործընթացում ներառված բոլոր կողմերի հետ՝ հստակորեն ներկայացնելու մեզ հուզող բոլոր հարցերն ու բացատրելու մեր գործողությունների տրամաբանությունը»,- ասաց ԱԳՆ մամուլի քարտուղարը:
Աննա Նաղդալյանի խոսքով՝ երբ իրադրությանը համապարփակ գնահատական տրվի, պաշտոնական Երևանը հնարավորություն կունենա ավելի մանրամասն ներկայացնելու հետագա քայլերը:
Հիշեցնենք, որ Իրանի դեմ ամերիկյան նոր պատժամիջոցներն ուժի մեջ մտան նոյեմբերի 5-ից:
