07.11.2026 | 20:28
Նարեկ Կարապետյանի հանդիպումը համախմբման կոչին արձագանքած ուժերի հետ. ՈՒՂԻՂ
Վենեսուելայում գործողության ժամանակ ԱՄՆ-ն օգտագործել է Claude չաթբոտը. WSJ
Քաղաքականություն
15.02.2026 | 17:00
ԱՄՆ Պաշտպանության նախարարությունը Վենեսուելայում գործողության ժամանակ օգտագործել է Claude չաթբոտը: «Արմենպրես»-ի հաղորդմամբ` այս մասին հայտնում է The Wall Street Journal-ը` հղում անելով սեփական աղբյուրներին։
Հրապարակման մեջ նշվում է, որ Claude-ը օգտագործվել է Palantir Technologies-ի ենթակառուցվածքի միջոցով: Պարզ ասած, Palantir-ի տեխնոլոգիան թույլ է տվել արհեստական բանականությանը վերլուծել մուտքային հետախուզական տվյալները օտար երկրում անցկացվող գործողության ընթացքում: Սա առաջին դեպքն է, երբ խոսվում է ԱՄՆ զինված ուժերի կողմից ԱԲ գործիքների օգտագործման մասին:
Չաթբոտը մշակած Anthropic ընկերությունը բացառիկ պայմանագիր ունի ԱՄՆ կառավարության հետ իր ԱԲ մշակումների օգտագործման համար: Միևնույն ժամանակ, ընկերությունն ունի հստակ քաղաքականություն, որն արգելում է իր տեխնոլոգիայի օգտագործումը զենքի մշակման կամ մարդկանց հետևելու նպատակներով: ԱՄՆ կառավարության կամ ընկերության ներկայացուցիչների կողմից պաշտոնական մեկնաբանություն չի եղել։
Հունվարի 3-ին ԱՄՆ-ն հատուկ գործողություն էր իրականացրել և Վենեսուելայի նախագահ Նիկոլաս Մադուրոյին ու նրա կնոջը՝ Սիլիա Ֆլորեսին տեղափոխել ԱՄՆ՝ նրանց մեղադրելով թմրաահաբեկչության, ԱՄՆ կոկաինի մատակարարման և զենքի հետ կապված դավադրության համար: Նիկոլաս Մադուրոյին և նրա կնոջը մեղադրանքները ներկայացվել են Նյու Յորքի դատարանում։ Նրանք հերքել են մեղադրանքները։ Դատական հաջորդ նիստը կկայանա մարտի 17-ին։
Վենեսուելայում ԱՄՆ հատուկ գործողության ընթացքում 100 մարդ է զոհվել։
