07.06.2026 | 15:10
ԱՊՀ դիտորդական առաքելությանը հավատարմագրումից զրկելու դիմում ենք ներկայացրել ԿԸՀ․ «Անկախ դիտորդ». ՏԵՍԱՆՅՈՒԹ
Պետք է ցույց տալ, որ խաղաղությունը հնարավոր է. ադրբեջանցի փորձագետ. ՏԵՍԱՆՅՈՒԹ
Քաղաքականություն
14.02.2026 | 17:58
Երևանում ընթացող քննարկման ժամանակ հայկական կողմի հարցին, թե ինչպես է ադրբեջանական հասարակությունը վերաբերվում հայերի հետ շփմանն ու խաղաղության հեռանկարին, ադրբեջանցի քաղաքագետ Ֆարհադ Մամեդովը պատասխանել է, որ երկրների առաջնորդներն իրենց շփումներով օրինակ են ծառայում հասարակությունների համար։
Ըստ բանախոսի՝ երկու հասարակություններում էլ արդեն ձևավորվել է ըմբռնում, որ խաղաղության օրակարգը հաստատված է։
Քաղաքական երկխոսությունից զատ՝ նա կարևորել է տնտեսական փոխգործակցությունը, որը ապահովում է հարաբերությունների «երկրորդ շերտը»՝ բերելով բովանդակային և դրական լուրեր։ Սա թույլ է տալիս քաղհասարակությանը խոսել խաղաղության մասին ավելի հիմնավոր կերպով։
Մամեդովի խոսքով՝ երկու հասարակությունների մեջ էլ կա խոր անվստահություն և բազմաթիվ անպատասխան հարցեր։ Սակայն, նրա պնդմամբ, եթե առաջնորդները հասել են քաղաքական վստահության, և առկա է տնտեսական վստահություն, ապա ժամանակի ընթացքում դա կտարածվի նաև հասարակությունների վրա։
«Մենք պետք է առավելագույնս օգտվենք բացված հնարավորությունից՝ ցույց տալու, որ խաղաղությունը հնարավոր է»,- եզրափակել է ադրբեջանցի փորձագետը։
