24.02.2026 | 14:44
Թեհրանն ու Բաքուն համապարփակ համագործակցության փաստաթուղթ են ստորագրել
Պաշտպանը միջնորդել է Լևոն Երանոսյանի մեղադրանքը վերացնել
Հասարակություն
12.11.2018 | 18:08
Ներքին զորքերի նախկին հրամանատար Լևովա Երանոսյանի պաշտպան Տիգրան Սաֆարյանը միջնորդություն է ներկայացրել նախաքննական մարմին՝ իր պաշտպանյալի մեղադրանքը վերացնելու համար։
Factor.am-ի հետ զրույցում այս մասին ասաց պաշտպանը՝ նշելով, որ նախաքննական մարմինը միջնորդության քննությունը հետաձգել է։
«Լևոն Երանոսյանին առաջադրված մեղադրանքների հետ մեր անհամաձայնությունները մենք ներկայացրել ենք և միջնորդել ենք այն վերացնել։ Մենք նաև տեսանյութեր ենք ներկայացրել, որտեղ երևում է, որ բազմաթիվ նռնակների պայթյուններ են եղել և ոստիկանության այլ ծառայողներ նույնպես կիրառել են նռնակներ։ Իմ պաշտպանյալի նկատմամբ խափանման միջոց է ընտրված ստորագրությունը երկրից չհեռանալու մասին, սակայն նրա գործողությունները օրինաչափ են եղել, դրանցում մեղադրանքի կամ կասկածանքի ոչ մի հիմք չկա»,-ասաց պաշտպանը։
Հարցին՝ ի՞նչ հիմնավորմամբ է նախաքննական մարմինը հետաձգել միջնորդության քննությունը, պաշտպանն ասաց, որ միջնորդությունը ներկայացնելուց մի քանի օր անց հայտնեցին, որ երկարաձգում են ժամկետը՝ հավանաբար ինչ-որ բաներ ճշտելու պատճառով։ Հիշեցնենք, որ Լևոն Երանոսյանը կասկածվում է 2018թ. ապրիլի 16-ին և 22-ին Սահմանադրական դատարանի դիմաց և Արցախի պողոտայի սկզբնամասում հատուկ միջոցներ կիրառելու մեջ։
Նա ՀՔԾ-ում հարցաքննվել է որպես կասկածյալ և ազատ է արձակվել՝ տալով ստորագրություն չհեռանալու մասին:
