Ադրբեջանում հնդիկների են առևանգել և ծնողների աչքի առաջ խոշտանգել ուղիղ հեռարձակմամբ

Ադրբեջանում երկու հնդիկների առևանգել և խոշտանգել են ընտանիքի անդամների աչքի առաջ ուղիղ եթերում, մինչ նրանց առևանգողները փրկագին են պահանջել։ 22-ամյա Դհրուվ և 32-ամյա Դիպիկա Պատելներին սպառնացել են նաև օրգանների հեռացմամբ և թրաֆիքինգով, նախքան նրանց, ի վերջո, փրկել են Հնդկաստանի իշխանությունները։ Այս պատմությունը հրապարակվել է India Today-ի կողմից, գրում է OC Media-ն։

Դհրուվ և Դիպիկա Պատեներլը (հրապարակումից պարզ չէ՝ նրանք ազգականնե՞ր են, թե՞ ոչ) ճանապարհորդել են, այսպես կոչված, «ավանակի ճանապարհով», որը Հարավային Ասիայից Միացյալ Նահանգներ ապօրինի ներգաղթյալների կողմից ընտրվող երթուղին է։ Նրանք մեկնել են իրենց հայրենի Գուջարաթ շրջանից և դիմել Մումբայում բնակվող «գործակալի» օգնությանը, որը շուրջ 55,000 դոլար է պահանջել ճանապարհորդությունը հեշտացնելու համար։ Այնուհետև նրանք Մումբայի գործակալի հրահանգով մեկնել են Բաքու, որտեղ նրանց դիմավորել է մեկ այլ գործակալ՝ Պավան անունով, որը հրահանգել է նրանց անջատել հեռախոսները և ավելի շատ գումար պահանջել՝ ճանապարհորդությունը շարունակելու համար։

Երբ երկուսը հրաժարվել են, նրանց առևանգել և պահել են նկուղում, ծեծի և խոշտանգումների ենթարկել ուղիղ եթերում։ Առևանգողները նրանց ընտանիքներից փրկագին են պահանջել՝ սպառնալով, որ կհանեն նրանց երիկամները և կվաճառեն, եթե գումարը չվճարվի։

Ընտանիքներին հաջողվել է հավաքել ավելի քան 70,000 դոլար և գումարի կեսը կրիպտոարժույթով ուղարկել առևանգողներին, սակայն նրանք հրաժարվել են ազատ արձակել իրենց պատանդներին։ Դրանից հետո ընտանիքները դիմել են  տեղի պաշտոնյաներին, որոնք էլն իրենց հերթինն հարցը բարձրացրել են արտաքին գործերի նախարար Սուբրամանյամ Ջայշանկարի մոտ։

India Today-ը հաղորդում է, որ Ադրբեջանի կառավարության վրա «դիվանագիտական ​​ճնշում» է գործադրվել, և, ի վերջո, «համարձակ» փրկարարական գործողության արդյունքում Դհուվան և Դիպիկան հաջողությամբ ազատ են արձակվել և բերվել Բաքվում գտնվող Հնդկաստանի դեսպանատուն, որտեղ նրանք մինչ օրս մնում են՝ սպասելով Հնդկաստան վերադառնալու համար պատշաճ ընթացակարգին։

Նշվում է, որ Հնդկաստանի իշխանությունները հետաքննում են առևանգման համար պատասխանատու համարվող հանցավոր ցանցը։

Թարգմանությունը` Էմմա Չոբանյանի