27.06.2026 | 10:30
Մհեր Գրիգորյանը և Իրանի փոպնախագահը քննարկել են Հայաստան-Իրան երկկողմ օրակարգին առնչվող հարցեր
500-ապատիկ տուգանք և նոր արգելքներ․ մեդիա օրենքը փոխվում է. ՏԵՍԱՆՅՈՒԹ
Քաղաքականություն
13.02.2026 | 20:31
Այսուհետ նոր կանոններ կգործեն կաբելային հեռուստաալիքների համար։ Աժ-ն այսօր ձայների 58 կողմ, 26 դեմ և 1 ձեռնպահ հարաբերակցությամբ առաջին ընթերցմամբ ընդունեց ««Տեսալսողական մեդիայի մասին» օրենքի նախագիծը։ Նոր օրենքով հանրային մուլտիպլեքսի 26 հեռուստաալիքների համար գործող կարգավորումները կվերաբերեն նաև կաբելայիններին։
Օտարերկրյա հաղորդումներում «ՀՀ ներքաղաքական կյանքին միջամտող բովանդակության տարածումն» արգելվում է, ՀՌՀ-ն ցանցային օպերատորների նկատմամբ սանկցիաներ կիրառելու իրավունք է ստանում, եթե արձանագրվեն օրենքի դրույթների վերաբերյալ առերևույթ խախտումներ:
Իսկ ի՞նչ է նշանակում «ՀՀ ներքաղաքական կյանքին միջամտող բովանդակության տարածում» հասկացությունը, ո՞ր արարքն է որակվելու ՀՀ-ի ներքաղաքական կյանքին միջամտություն․ ընդդիմության համար այս հարցի պատասխանն անորոշ է։
Ըստ նախագծի՝ օտարերկրյա հաղորդումներում ՀՀ ներքաղաքական կյանքին միջամտող բովանդակության տարածումն առաջացնում է տուգանք՝ նվազագույն աշխատավարձի 500-ապատիկի չափով։
Բարձր տեխնոլոգիական արդյունաբերության նախարար Մխիթար Հայրապետյանի խոսքով՝ նպատակը ՀՀ-ում տեղեկատվական անվտանգության ապահովումն է, բացասական բովանդակության ազդեցության սահմանափակումը, ոլորտում առկա իրավական բացերի վերացումն ու հավասար մրցակացային պայմանների ձևավորումը։ Լրագրողական և փորձագիտական համայքի համար մտահոգություն էր առաջացրել այն, որ ո՛չ գաղափարի ծագման և ո՛չ էլ բուն փաստաթղթի մշակման փուլերում օրինագիծը պատշաճ քննարկում չի անցել մասնագիտացված հասարակական կազմակերպությունների հետ։
Նոր օրենքով այլ փոփոխություններ էլ կլինեն։ Օրինակ՝ նախատեսվում է, որ էրոտիկ բովանդակությամբ հաղորդումները, սարսափ կամ ակնհայտ բռնություն պարունակող ֆիլմերը, քրեական ենթամշակույթը քարոզող, ինչպես նաև անչափահասների առողջության ու զարգացման վրա հնարավոր բացասական ազդեցություն ունեցող ծրագրերը հեռարձակվեն միայն կեսգիշերից մինչև առավոտյան ժամը վեցը։
Մանրամասները՝ տեսանյութում։
Անի Թամրազյան
