10.10.2026 | 13:16
ԱՄՆ-ն պատրաստակամություն է հայտնել աջակցելու Հայաստանի ԱԱԾ սահմանապահների վերապատրաստմանը
Ընդունում ենք օրենք, որը սարսափելի կամայական դատողությունների տեղ է բացում․ Խաչատրյան․ ՏԵՍԱՆՅՈՒԹ
Քաղաքականություն
11.02.2026 | 13:07
«Շատ տարօրինակ կլիներ, եթե քաղաքական մարդը գար Ազգային ժողովի ամբիոնից սկսեր հանկարծ ասել, գնահատականներ տալ, թե որն է համարվում ներքաղաքական կյանքին միջամտություն, որը՝ ոչ»,- այս մասին «Տեսալսողական մեդիայի մասին» օրենքում նախատեսվող փոփոխությունների քննարկման ժամանակ ասաց ԲՏԱ նախարար Մխիթար Հայրապետյանը՝ ի պատասխան պատգամավոր Արթուր Խաչատրյանի հարցի։
Ըստ ընդդիմադիր պատգամավորի՝ ընտրությունների նախաշեմին մի օրենք է ընդունվում, որը «սարսափելի կամայական, էկլեկտիկ դատողությունների» տեղ է բացում․ «Սպեցիֆիկան, փաստը, իրավական որոշակիությունը բացակայում է: Միգուցե, պետք լինի էդ ամեն ինչը ավելի հստակեցնել, որ հղում չկատարենք Խաչատրյան Արթուրի կարծիքին և Մխիթար Հայրապետյանի կարծիքին, հետո ըստ ճաշակի որոշենք, թե ում կարծիքն է ավելի կարծիք»:
Ի պատասխան Հայրապետյանը նշեց՝ առաջարկում են, որ Հեռուստատեսության և ռադիոյի հանձնաժողովը ստանա այդ լիազորությունը, որպեսզի նաև տարատեսակ տեղեկատվական հարձակումների պարագայում և՛ հանրային պահանջին, և՛ Ազգային ժողովի պահանջին կարողանա լիարժեք պատասխանել:
«Հանձնաժողովի նախագահը ամեն տարեկան զեկույցի ժամանակ հենց էս ամբիոնից գալիս է և արձանագրում է, որ էն հարցերը, որոնք հիմնականում բարձրաձայնվում են, դրանց պատասխանը օրենսդրական բացի մեջ է: Մենք էդ բացն ենք ուզում լրացնել»,- նշեց նա։
Մանրամասները՝ տեսանյութում։
