06.03.2026 | 18:54
Հայաստանի Պրեմիեր լիգան վերադարձավ գոլառատ խաղով․ ՏԵՍԱՆՅՈՒԹ
Գույքահարկը հասավ իր պիկին․ ինչքան եք վճարելու 2026-ին․ ՏԵՍԱՆՅՈՒԹ
Քաղաքականություն
06.02.2026 | 19:45
Եթե անշարժ գույք ունեք Հայաստանում, այս տարվանից ավելի շատ գույքահարկ եք վճարելու։ Հարկային նոր դրույքաչափի տոկոսը, որը 2021-ից սկսած աստիճանական աճում էր, 2026-ին հասնում է առավելագույնին։ Ձեր գույքը կհարկվի 100 տոկոսի չափով։ Որքան թանկ է գույքը, այնքան բարձր է գույքահարկը։
Բնակարանների և անհատական բնակելի տների համար հարկային բազայի նոր սանդղակները և դրույքաչափերը տարբեր են։ Այստեղ էլ յուրաքանչյուրն իր հերթին ունի վեց սանդղակ․ որքան բարձր է գույքի արժեքը, այնքան շատ է գույքահարկը։
Եթե նախկինում գույքահարկը հաշվարկվում էր ցածր կադաստրային արժեքով, ապա հիմա՝ շուկայական արժեքին մոտարկված կադաստրային արժեքով: Վճարումները պետք է իրականացնել մինչև ամեն տարվա դեկտեմբերի 1-ը։ Բոլոր անշարժ գույքերը ենթակա են հարկման՝ անկախ արժեքից։
Կադաստրային համակարգը գույքը բաժանում է 20 գնագոյացման գոտիների, որոնց արժեքները որոշվում են ռադիալ մեթոդով։ Սա գնահատման մոտեցում է, երբ գույքի արժեքը որոշվում է կենտրոնից հեռավորությամբ․ որքան մոտ է կենտրոնին, այնքան բարձր է գնահատվում։ Օրինակ՝ Երևանում գործում է 12 գոտի․ կենտրոնական հատվածները համարվում են ամենաթանկը, և հենց այդ գոտիավորումից է կախված գույքահարկի հաշվարկը։
Եթե, օրինակ, ձեր գույքն արժե 26 միլիոն դրամ, ապա պետք է վճարեք 72,000 դրամ: Իսկ եթե ձեր գույքն արժե 80 մլն դրամ, ապա ձեր տարեկան վճարը կկազմի 656 000 դրամ։
Կառավարությունը պարզաբանում էր, թե հարկային բեռի կտրուկ աճը կանխելու համար է նոր համակարգին անցում կատարվել աստիճանաբար` 6 տարիների ընթացքում․ 2021 թվականին՝ 25%, 2022-ին՝ 30%, 2023-ին՝ 35, 2024-ին՝ 50, 2025-ին՝ 75%, իսկ արդեն 2026 թվականին՝ 100%։
Անի Թամրազյան
