10.09.2026 | 19:43
Արմաշի նախկին զորանոցի տարածքը հետ են վերցնում Ջրային կոմիտեից․ «Արարատ» ՋՕԸ-ն այն չի օգտագործել
Նաթան արքեպիսկոպոս Հովհաննիսյանին մեղադրանք է առաջադրվել
Հասարակություն
31.01.2026 | 20:32
Մայր Աթոռ Սուրբ Էջմիածնի Արտաքին հարաբերությունների և արարողակարգի բաժնի տնօրեն Տեր Նաթան արքեպիսկոպոս Հովհաննիսյանի նկատմամբ կիրառվել է երկրից չբացակայելու արգելք խափանման միջոցը։
Նաթան Սրբազանին մեղադրանք են առաջադրել Քրեական օրենսգրքի 507-րդ հոդվածով՝ «դատական ակտի կատարմանը խոչընդոտելու» հանցակազմով։ Այս մասին տեղեկացնում է «Շողակաթ Շեմ»-ը։
Հունվարի 16-ին հայտնի դարձավ, որ Գևորգ եպիսկոպոս Սարոյանը հայց էր ներկայացրել Մայր Աթոռի դեմ՝ պահանջելով իրեն վերականգնել պաշտոնում։
Ապա հաղորդվեց, որ Արմավիրի մարզի առաջին ատյանի ընդհանուր իրավասության դատարանի որոշմամբ Գևորգ եպիսկոպոս Սարոյանը կվերականգնվի Մասյացոտնի թեմի առաջնորդի պաշտոնում՝ մինչև վերջնական դատական ակտի հրապարակումը:
Դատական ակտը չկատարելու դեպքի առնչությամբ, այն է՝ Տեր Գևորգ եպիսկոպոս Սարոյանին, մինչև գործով եզրափակիչ դատական ակտ կայացնելը, կարգալույծ հռչակելը, Հայ առաքելական եկեղեցու դեմ Քննչական կոմիտեն քրեական վարույթ էր նախաձեռնել։
Հունվարի 27-ին Մայր Աթոռ Սուրբ Էջմիածնից հայտնեցին, որ Տեր Գևորգ եպիսկոպոս Սարոյանը կարգալույծ է հռչակվել։
