06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Քոչարյանը սխալվում է․ գյուղմթերքը միայն ՌԴ չի արտահանվում․ ՏԵՍԱՆՅՈՒԹ
Քաղաքականություն
31.01.2026 | 12:52
Հայաստանի երկրորդ նախագահ Ռոբերտ Քոչարյանը երեկ ասուլիսին նման պնդում արեց՝ խոսելով Ռուսաստանի կողմից Հայաստանի վրա ազդելու լծակների մասին։
Factor TV-ն պարզել է, որ թեև Ռուսաստանը շարունակում է մնալ հայկական գյուղարտադրանքի հիմնական շուկան, Քոչարյանի պնդումը մանիպուլյատիվ է։
Հայաստան-Արաբական միացյալ էմիրություններ առևտուրը վերջին տարիներին ակտիվացել է։ Մենք ԱՄԷ ենք արտահանում միրգ/բանջարեղեն, օրինակ՝ խնձոր, տանձ, դեղձ, կարտոֆիլ, լոլիկ, հաց, պանրի տեսակներ և կաթնաշոռ։
Հայկական գյուղարտադրանքը արտահանվում է նաև վրացական շուկա՝ կաթ, սերուցք, կարագ, յոգուրտ, թան, պանրի տեսակներ և կաթնաշոռ, միրգ-բանջարեղեն։
ԵՄ երկրներ նույնպես գյուղմթերքի արտահանում ունենք։ Հայաստանից Ֆրանսիա է հասնում ալյուր, ձավար, հացահատիկ, միրգ-բանջարեղեն։ Ձավար, հացահատիկ, ալյուր է արտահանվում նաև Գերմանիա։
Հայաստանի գյուղարտադրանքը արտահանվում է նաև ԵՏՄի մյուս երկրներ։ Օրինակ Բելառուս ենք արտահանում միրգ-բանջարեղեն, կարագ, տանձ, սերկևիլ, ծիրան, բալ, կեռաս։
Այսպիսով՝ ՀՀ երկրորդ նախագահ Ռոբերտ Քոչարյանի պնդումը, թե «մեր գյուղարտադրանքը բացի Ռուսաստանից ուրիշ տեղ չի գնում», չի համապատասխանում իրականությանը։ Թեև Ռուսաստանը շարունակում է մնալ հայկական գյուղարտադրանքի արտահանման առաջատար ուղղությունը, աշխարհագրությունը դրանով չի սահմանափակվում։
