28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
«Զավիկի ղարս» հանրային սննդի կետի գործունեությունը վերականգնվել է
30.01.2026 | 18:31
Վերականգնվել է Սարյան փողոցում գտնվող «Զավիկի ղարս» հանրային սննդի կետի գործունեությունը։ Օբյեկտի աշխատանքը կասեցվել էր շուրջ չորս ամիս առաջ, երբ սննդի կետի բրդուճներում և մայոնեզում սննդամթերքի անվտանգության տեսչական մարմինը մանրէաբանական շեղումներ էր հայտնաբերել։
ՍԱՏՄ-ից Factor.am-ին փոխանցեցին, որ նախկինում արձանագրված թերությունները շտկվել են։
Սննդի կետի տնօրենը հրաժարվում էր ստորագրել տեսչական մարմնի կասեցման որոշումը։ Կասեցման որոշումից երեք օր հետո միայն սննդի կետի տնօրենը ստորագրեց որոշումը, մինչ այդ «Զավիկի ղարս»-ը շարունակում էր սնունդ վաճառել, որը, փաստացի, կարող էր վտանգել սպառողների առողջությունը։
Ավելին՝ սննդի օբյեկտը հայտարարություն էր տարածել, թե տեսչական մարմնի կողմից սննդի օբյեկտի աշխատանքը կասեցնելու մասին լուրերը կեղծ են, և իրենց բոլոր մասնաճյուղերը գործում են։
Անի Թամրազյան
