29.10.2026 | 16:09
Ըմբիշ Վազգեն Թևանյանն առաջին անգամ դուրս եկավ աշխարհի առաջնության եզրափակիչ. ՏԵՍԱՆՅՈՒԹ
10 քաղաքացի հոսպիտալացվել է․ Ավանեսյանը հորդորում է ավելի զգույշ լինել
27.01.2026 | 16:23
ՀՀ առողջապահության նախարար Անահիտ Ավանեսյանը գրառմամբ տեղեկացրել է, որ Թալին-Բազմաբերդ ավտոճանապարհին տեղի ունեցած շղթայական վթարի հետևանքով 10 քաղաքացի հոսպիտալացվել է։
«Սիրելի՜ քաղաքացիներ, եկե´ք ավելի զգոն ու զգույշ լինենք հատկապես այս օրերին, երբ եղանակը համառորեն իրենն է անում․
Հանրապետական շտապօգնության ծառայության Արագածոտնի մարզային կայանի բրիգադներն այսօր առավոտից աշխատում են գերծանրաբեռնված՝ օպերատիվ բուժօգնություն տրամադրելով Թալին-Բազմաբերդ ավտոճանապարհին տեղի ունեցած շղթայական վթարից տուժածներին։
10 քաղաքացի հոսպիտալացվել է մարզային և երևանյան բուժկենտրոններում.հիմա բուժզննման փուլում են, ունենք ծանր դեպքեր:
Եվս մեկ անգամ հորդորում եմ` պահպանեք անվտանգության կանոնները. պարտադիր ամրակապվեք, մինչև 7 տ երեխաների դեպքում` օգտագործեք car seat»,- գրել է նախարարը։
Factor.am-ը ավելի վաղ տեղեկացրել էր վթարի մասին, նշելով, որ փրկարարները հատուկ տեխնիկայի օգնությամբ «Ford» մակնիշի ավտոմեքենաներից 2 քաղաքացու են դուրս բերել, մոտեցրել շտապօգնության մեքենային։
