27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
15 մեքենա է բախվել Երևան-Գյումրի ճանապարհին․ կան տուժածներ
27.01.2026 | 13:19
Թալին-Բազմաբերդ ավտոճանապարհին տեղի է ունեցել ՃՏՊ, կան տուժածներ․ Factor TV-ին հայտնեց ՆԳՆ մամուլի քարտուղար Նարեկ Սարգսյանը։
«Հունվարի 27-ին՝ ժամը 11։10-ին, Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ տեղի է ունեցել ՃՏՊ, անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ»,- ասաց Սարգսյանը։
Մամուլի քարտուղարի փոխանցմամբ՝ իրար է բախվել 15 տրանսպորտային միջոց։
«Պարզվել է, որ Երևան-Գյումրի ավտոճանապարհի 51-55-րդ կմ-երի հատվածում տեղի են ունեցել ՃՏՊ-ներ՝ բախվել է ընդհանուր 15 տրանսպորտային միջոց։ Մինչ փրկարարների կանչի վայր հասնելը՝ երկու քաղաքացի տեղափոխվել է բժշկական կենտրոն, որտեղ նրանց առողջական վիճակը գնահատվել է բավարար»,- ընդգծեց Նարեկ Սարգսյանը։
Փրկարարները հատուկ տեխնիկայի օգնությամբ «Ford» մակնիշի ավտոմեքենաներից 2 քաղաքացու են դուրս բերել, մոտեցրել շտապօգնության մեքենային և կատարել ճանապարհի լվացման աշխատանքեր։
Արփի Հակոբյան
