16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Անբարենպաստ եղանակի պատճառով Իտալիայի 11 շրջանում արտակարգ դրություն է հայտարարվել
Քաղաքականություն
09.11.2018 | 15:43
Իտալիայի նախարարների խորհուրդն արտակարգ դրություն է սահմանել երկրի 20 շրջաններից 11-ում, որոնք առավելապես տուժել են հորդառատ անձրևներից և ջրհեղեղներից: ՏԱՍՍ-ի փոխանցմամբ՝ այս մասին հաղորդագրություն է հրապարակել իտալական կառավարությունը:
Հաղորդագրության համաձայն՝ արտակարգ դրություն է սահմանվել այն շրջաններում, որոնք հոկտեմբերի 2-ից բնության տարերքի գոտում են: Աղետի հետևանքների վերացման համար կառավարությունը 53.5 մլն եվրո է հատկացրել, ևս 200 մլն եվրո կհատկացվի առաջիկայում:
Շրջանների ղեկավարները, սակայն, արդեն հայտարարել են, որ այս միջոցները բավարար չեն: Ենթակառուցվածքների և տրանսպորտի նախարար Դանիլո Տոնինելիի նախնական գնահատականով՝ անբարենպաստ եղանակի հետևանքով 3 մլրդ եվրոյի վնաս է հասցվել: Լիգուրիայի նահանգապետ Ջովաննի Տոտին էլ ասել, որ կառավարությունը հաշվի չի առել բնակչությանը վնասի փոխհատուցում տրամադրելու անհրաժեշտությունը:
Մինչ այս հաղորդվել էր, որ Իտալիան մտադիր է դիմել Եվրամիության «Կայունության հիմնադրամին»՝ միջոցներ ստանալու:
Հիշեցնենք, որ հեղեղումների հետևանքով Իտալիայում 30 մարդ է զոհվել: Եղանակն առավելապես անբարենպաստ է եղել հոկտեմբերի 26-27-ին, երբ երկրի գրեթե ամբողջ տարածքում հորդառատ անձրևներ, ուժեղ քամիներ, ջրհեղեղ և սողանքներ են գրանցվել:
