16.09.2026 | 11:42
«Ուժեղ Հայաստանը» Տիգրանաշենում զբոսաշրջային կենտրոն կստեղծի․ Անուշ Միրզոյան․ ՏԵՍԱՆՅՈՒԹ
Արագածոտնի թեմի առաջնորդ Մկրտիչ եպիսկոպոս Պռոշյանի կալանքի ժամկետը երկարացվեց
Քաղաքականություն
26.01.2026 | 16:41
Հայ առաքելական եկեղեցու Արագածոտնի թեմի առաջնորդ Տեր Մկրտիչ եպիսկոպոս Պռոշյանի կալանքի ժամկետը երկարացվեց մեկ ամսով։ Այսօր նրա գործով նիստին նման որոշում կայացրեց դատավոր Դավիթ Դաբաղյանը։
Խափանման միջոցի քննության ժամանակ գործով տուժող ճանաչված Ստեփան Ասատրյանը, որը կարգալույծ է արվել ամիսներ առաջ, չպատասխանեց դատավոր Դավիթ Դաբաղյանի հարցին՝ արդյո՞ք Մկրտիչ եպիսկոպոս Ասատրյանը կարող է ազատության մեջ խոչընդոտել գործի քննությանը։
Հիշեցնենք՝ Մկրտիչ եպիսկոպոս Պռոշյանը կալանավորված է 2025 թվականի հոկտեմբերի 16-ից։ Նա մեղադրվում է ընտրական իրավունքի իրականացմանը խոչընդոտելու և իշխանական կամ ծառայողական լիազորություններն օգտագործելով՝ հավաքներին մասնակցելուն հարկադրելու մեջ։
Այս վարույթը նախաձեռնվել է կարգալույծ հռչակված Ստեփան Ասատրյանի՝ Հանրային հեռուստաըկերությանը տված հարցազրույցից հետո։ Այն ժամանակ դեռևս Տեր Արամ քահանա Ասատրյանը հայտարարել էր, որ 2021-ի ընդդիմության հավաքներին մասնակցել է վերադասի հրահանգով, այլ ոչ թե իր ցանկությամբ։
Այս հայտարարությունից հետո «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը հաղորդում էր ներկայացրել Քննչական կոմիտե։
Արաքս Մամուլյան
