29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Արման Ծառուկյանը հայտնել է՝ ում հետ է ցանկանում մենամարտել UFC-ում
26.01.2026 | 15:30
UFC-ի թեթև քաշային կարգի դասակարգման առաջատար Արման Ծառուկյանը հայտնել է, որ ցանկանում է մենամարտել Ջասթին Գեյջիի հետ։ Հունվարի 25-ին 37-ամյա ամերիկացի մարտիկը հաղթել էր բրիտանացի Փեդի Փիմբլեթին ու դարձել թեթև քաշային կարգի ժամանակավոր չեմպիոն։
«Ես իսկապես ցանկանում եմ մենամարտել Ջասթինի հետ, որովհետև նրան է պատկանում UFC-ի ժամանակավոր տիտղոսը։ Եթե Տոպուրիան կարողանա մենամարտել այս տարի, ապա նրանք կմրցեն միմյանց դեմ։ Եթե Իլիան չմենամարտի նրա դեմ ապրիլին կամ հունիսին, ապա ես կցանկանայի հանդիպել Գեյջիի հետ։ Հակառակ դեպքում ինձ կմնա միայն սպասել։ Ի՞նչ կարող եմ անել։ Ինձ պետք է սպասել և ստանալ չեմպիոն դառնալու իմ հնարավորությունը։ Անցյալ տարի ես ունեի այդ հնարավորությունը, բայց չկարողացա մենամարտել։ Ես պետք է սպասեմ, և այդ ժամանակ ինձ կտրվի այդ հնարավորությունը։
Կարծում եմ՝ կպայքարեմ Գեյջիի հետ, իսկ Տոպուրիան կբարձրանա կիսամիջին քաշային կարգ՝ Մախաչևի դեմ մենամարտելու համար։ Պարզապես ենթադրում եմ»,- Արման Ծառուկյանի խոսքը մեջբերում է MMA Fighting-ը։
Հիշեցնենք, որ 29-ամյա Ծառուկյանը UFC-ում նախորդ մենամարտն անցկացրել է նոյեմբերի 22-ին՝ խեղդող հնարքով հաղթելով Դեն Հուկերին։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
