10.09.2026 | 21:29
Քաղաքական խորհրդակցություններ՝ ՀՀ-ի և Լեհաստանի արտաքին գերատեսչությունների միջև
ՀՖՖ․ Ուկրաինական կողմի բողոքն անհիմն է
24.01.2026 | 20:16
Հայաստանի ֆուտբոլի ֆեդերացիան արձագանքել է Ուկրաինայի ֆուտբոլային ասոցիացիայի (ՈւՖԱ) ներկայացրած բողոքին։ Ավելի վաղ ուկրաինացիներն ՈՒԵՖԱ-ի Կարգապահական կոմիտեին պաշտոնական դիմում էին ներկայացրել Հայաստանի հավաքականի ֆուտզալիստ Դենիս Նևեդրովի դրսևորած վարքի պատճառով։ Ըստ բողոքի՝ ռուսական «Տյումենի» խաղացողը ֆուտզալի Եվրոպայի առաջնության խմբային փուլի առաջին տուրի Հայաստան – Ուկրաինա (2:1) խաղից հետո վիրավորական արտահայտություններ էր արել Ուկրաինայի ու ուկարինացիների հասցեին։
«ՀՖՖ-ի պատասխանն ՈւԵՖԱ-ին՝ Հայաստան-Ուկրաինա խաղում գրանցված միջադեպի վերաբերյալ։
Ի պատասխան Ուկրաինայի ֆուտբոլի ֆեդերացիայի գրությանը՝ Հայաստանի ֆուտբոլի ֆեդերացիան դիմել է ՈւԵՖԱ-ին՝ ներկայացնելով Հայաստան-Ուկրաինա հանդիպումից առաջ և խաղի ընթացքում տեղի ունեցածը: ՀՖՖ-ն ներկայացրել է դիտարկումներ՝ ըստ որոնց ուկրաինական կողմի բողոքն անհիմն է: Մանրամասները կներկայացնենք ավելի ուշ»,- նշված է ՀՖՖ-ի հաղորդագրության մեջ։
Հիշեցնենք, որ Լատվիայում, Լիտվայում և Սլովենիայում անցկացվող Եվրո-2026-ի B խմբում Ռուբեն Նազարեթյանի գլխավորած թիմը հաջորդ հանդիպումը կանցկացնի hունվարի 25-ին Կաունասի «Ժալգիրիս Արենա» մարզապալատում՝ Երևանի ժամանակով 16։00-ից մրցելով Չեխիայի հավաքականի հետ։
