09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Գերմանիան հրաժարվել է մասնակցել Թրամփի «Խաղաղության խորհրդին»
Քաղաքականություն
24.01.2026 | 13:33
Գերմանիան չի մտադրվում մասնակցել ԱՄՆ նախագահ Դոնալդ Թրամփի «Խաղաղության խորհրդին» իր ներկայիս տեսքով։ Այս մասին հայտարարել է Գերմանիայի կանցլեր Ֆրիդրիխ Մերցը ուրբաթ՝ հունվարի 23-ին, Հռոմում Իտալիայի վարչապետ Ջորջիա Մելոնիի հետ համատեղ մամուլի ասուլիսում․ գրում է DW-ի ռուսական ծառայությունը։
Մերցը նշել է, որ մի քանի շաբաթ առաջ արդեն ասել էր Թրամփին, որ պատրաստ է միանալ «Խաղաղության խորհրդին», եթե այն, ինչպես նախատեսված էր սկզբում, կհետևի Գազայի հատվածում խաղաղության համաձայնագրերի պահպանմանը։
«Սակայն, այն տեսքով, որը Թրամփը ներկայում պատկերացնում է, մենք չենք կարող ընդունել նույնիսկ միայն կառավարող կառույցները, այդ թվում՝ գերմանական սահմանադրական իրավունքի պատճառներով», – բացատրել է Գերմանիայի վարչապետը։
Միևնույն ժամանակ, Մերցի խոսքով, Գերմանիան պատրաստ է նաև ուսումնասիրել ԱՄՆ-ի հետ համագործակցության նոր ձևեր, «եթե խոսքը նոր ձևաչափեր գտնելու մասին է», որոնք կմոտեցնեն խաղաղությունը տարբեր տարածաշրջաններում՝ ոչ միայն Գազայի հատվածում և Մերձավոր Արևելքում, այլև Ուկրաինայում։
Հիշեցնենք, որ հունվարի 22-ին Դավոսում 19 երկրների ներկայացուցիչների կողմից ստորագրվեց «Խաղաղության խորհրդի» կանոնադրությունը, որին միացել է նաև Հայաստանը։
Թարգմանությունը՝ Անահիտ Խաչատրյանի
