10.09.2026 | 19:15
Առուշ Առուշանյանը Գորիսի ընտրություններում ՔՊ-ի թեկնածուն է
Արտակ Բեգլարյանը՝ Արցախից Հայաստան տեղափոխված վերջին հայերի մասին
23.01.2026 | 17:01
«Իմ տեղեկություններով՝ մոտավորապես այդքան հայ էր մնացել Արցախում»,- Factor TV-ի հետ զրույցում ասաց Արցախի նախկին պետնախարար Արտակ Բեգլարյանը՝ անդրադառնալով Արսեն Թորոսյանի այն հայտարարությանը, որ Արցախում մինչ այժմ բնակվող 10 հայեր և ազգությամբ ռուս մեկ ՀՀ քաղաքացի տեղափոխվել են Հայաստանի Հանրապետություն։
«Կապի մեջ չեմ եղել նրանց հարազատների հետ, բայց ենթադրելի է, թե ինչու են նրանք տեղափոխվել այստեղ․ դժվար ադրբեջանական տիրապետությունն այդքան հեշտ տիրապետություն լինի նույնիսկ հոգեկան խնդիրներ ունեցողների ու տարեցների համար»,- ասաց Բեգլարյանը։
Հիշեցնենք, որ 2025-ին Ստեփանակերտում ձերբակալվել էր տեղի բնակիչ, 1967 թվականին ծնված Կարեն Ավանեսյանը և նրան դատապարտել էին 16 տարվա ազատազրկման։
Բաքուն մինչ այս չէր բացահայտում, թե քանի հայ է մնացել Արցախում։ Մինչդեռ, Արցախում էթնիկ զտում իրականացնելուց հետո Բաքվից հայտարարում էին, որ այնտեղ մնացած ևս 15 հայ դիմել է ադրբեջանական քաղաքացիություն ստանալու համար։
Արփի Հակոբյան
