12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Ռուս-թուրքական հարաբերությունները բարձր մակարդակի վրա են. հնարավոր են եռակողմ ձևաչափով հանձնաժողովներ ստեղծվեն
Քաղաքականություն
09.11.2018 | 12:15
Թուրքիայի խորհրդարանի արտաքին հարաբերությունների հանձնաժողովի նախագահ Վոլքան Բոզքըրը մեկնել է Ռուսաստան, որտեղ հանդիպել է ՌԴ Պետդումայի միջազգային գործերի կոմիտեի նախագահ Կոնստանտին Կոսաչովի հետ. փոխանցում է ermenihaber-ը:
Հանդիպման ընթացքում Բոզքըրը նշել է, որ ռուս-թուրքական հարաբերությունները գտնվում են բարձր մակարդակի վրա շնորհիվ երկու երկրների նախագահներ Ռեջեփ Թայիփ Էրդողանի և Վլադիմի Պուտինի միջև ստեղծված երկխոսության: Այս կոնտեքստում անդրադառնալով Ռուսաստանի նկատմամբ իրականացվող պատժամիջոցներին՝ թուրք պաշտոնյան նշել է. «Երբ մի շարք երկրներ Ռուսաստանի դեմ պատժամիջոցներ կիրառեցին, Թուրքիան այդ ամենը ոչ մի կերպ չընդունեց։ Կան երկրներ, որոնք մեզ հարցնում են, թե ինչո՞ւ Ռուսաստանի դեմ չենք կիրառում պատժամիջոցներ և ինչո՞ւ լավ հարաբերություններ ունենք։ Սակայն երկու հարևան երկրների միջև նման հարաբերություններ և վստահություն ձևավորելու համար պետք էր անհրաժեշտ քայլեր ձեռնարկել, ինչը մենք արեցինք և շարունակելու ենք անել»:
Բոզքըրը ռուսական կողմին առաջարկել է նաև ստեղծել Թուրքիա-Ադրբեջան-Ռուսաստան և Թուրքիա-Սերբիա-Ռուսաստան ձևաչափով եռակողմ արտաքին հարաբերությունների հարցերով զբաղվող հանձնաժողով։
