29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Գիտեինք, որ Հայաստանի հավաքականը լավ թիմ է․ Ուկրաինացի ֆուտզալիստ
23.01.2026 | 13:35
Ֆուտզալի Ուկրաինայի հավաքականի խաղացող Վլադիսլավ Պերվեևը և գլխավոր մարզիչ Ալեքսանդր Կոսենկոն անդրադարձել են Եվրոպայի առաջնության առաջին տուրում Հայաստանի հավաքականից կրած պարտությանը 1։2 հաշվով։
Ալեքսանդր Կոսենկո․ «Իրոք, շատ ծանր հանդիպում էր մեզ համար։ Արդեն հիմա պետք է պատրաստվենք հաջորդ խաղին։ Շատ բան չի փոխվել։ Առաջին խաղակեսում մենք խաղացինք առանց արագության և շարժման։ Երկրորդ խաղակեսում փոխեցինք մեր մոտեցումը, և դա օգնեց։ Բայց դա բավարար չէր արդյունքի համար»։
Վլադիսլավ Պերվեև․ «Գիտեինք, որ Հայաստանի հավաքականը լավ թիմ է։ Մենք պատրաստվել էինք, բայց ֆուտզալը այսպիսին է։ Դեռ երկու խաղ կա, և մենք կպատրաստվենք դրանց։ Շնորհակալություն երկրպագուներին, ովքեր ամենուր աջակցում են մեզ. նրանք մեր 6-րդ խաղացողն են», հաղորդում է ՈւԵՖԱ-ի մամուլի ծառայությունը։
Լատվիայում, Լիտվայում և Սլովենիայում անցկացվող Եվրո-2026-ի B խմբի մյուս խաղում Լիտվայի ու Չեխիայի հավաքականները բաժանվել էին ոչ-ոքիով՝ 3։3։ Հայ ֆուտզալիստները հաջորդ հանդիպումը կանցկացնեն hունվարի 25-ին՝ Երևանի ժամանակով 16։00-ից մրցելով Չեխիայի հավաքականի հետ։ Երրորդ տուրում hունվարի 28-ին մրցակիցը կլինի Լիտվայի հավաքականը։ Խմբային փուլում Հայաստանի հավաքականի բոլոր խաղերը կկայանան Լիտվայի Կաունաս քաղաքի «Ժալգիրիս Արենա» մարզապալատում։
