27.03.2026 | 15:05
Սյունիքում սելավը վնասել է մեքնաներ, տուժել են կենդանիներ․ ՆԳՆ
Միհրան Դերմենջյանը և Ռուբեն Նազարեթյանը՝ Ուկրաինայի նկատմամբ հաղթանակի մասին․ ՏԵՍԱՆՅՈՒԹ
23.01.2026 | 11:21
Ֆուտզալի Հայաստանի ազգային հավաքականի խաղացող Միհրան Դերմենջյանը և գլխավոր մարզիչ Ռուբեն Նազարեթյանը մեկնաբանել են Եվրոպայի առաջնության B խմբի առաջին տուրում Ուկրաինայի հավաքականի նկատմամբ կամային հաղթանակը։
«Շատ լարված հանդիպում ստացվեց։ Հիմա չեմ կարող բառերով նկարագրել, թե ինչ էմոցիաներ ունեմ։ Էմոցիաները շարունակվում են հանդերձարանում, սակայն այնտեղից դուրս միանգամից մոռանալու ենք այս խաղի մասին և պատրաստվելու ենք հաջորդ հանդիպմանը, քանի որ դեռ գործի կեսն էլ չենք արել։ Առջևում շատ ծանր հանդիպում ունենք Չեխիայի հավաքականի դեմ։
Եվրոպայում հանդես գալը երազանք է եղել ինձ համար։ Երազանքս իրականացավ, բացի այդ, 2 գոլ խփեցի, ինչի համար շատ ուրախ եմ։ Գիտեինք, որ խաղալու ենք շատ ուժեղ մրցակցի դեմ, և ամեն ինչի պատրաստ էինք։ Ուշադիր լսել էինք մարզիչների ցուցումները, և գոլ բաց թողնելուց հետո չընկճվեցինք»,- ասել է Միհրան Դերմենջյանը (տեսանյութ)։
«Շատ ուրախ եմ, որ մեր առաջին խաղում հաղթեցինք այդքան ուժեղ մրցակցի։ Հիանալի է մրցաշարը այսպես սկսելը։ Հուսով եմ՝ կշարունակենք։ Մեր նպատակն է նաև հաղթել հաջորդ երկու խաղերում։ Ցանկանում եմ շնորհակալություն հայտնել իմ խաղացողներին։ Խաղից առաջ մենք խոսեցինք դրա մասին, և դա իրականացավ»,- նշել է Ռուբեն Նազարեթյանը, հաղորդում է ՈւԵՖԱ-ի մամուլի ծառայությունը։
Լիտվայի Կաունաս քաղաքի «Ժալգիրիս Արենա» մարզապալատում կայացած խաղում Հայաստանի հավաքականը 2։1 հաշվով հաղթել էր Միհրան Դերմենջյանի դուբլի շնորհիվ։ Դերմենջյանը նաև ճանաչվել էր հանդիպման լավագույն խաղացող։
B խմբի մյուս խաղում Լիտվայի ու Չեխիայի հավաքականները բաժանվել էին մարտական ոչ-ոքիով՝ 3։3։
Լատվիայում, Լիտվայում և Սլովենիայում անցկացվող Եվրո-2026-ում հայ ֆուտզալիստները հաջորդ հանդիպումը կանցկացնեն hունվարի 25-ին՝ Երևանի ժամանակով 16։00-ից մրցելով Չեխիայի հավաքականի հետ։ Երրորդ տուրում hունվարի 28-ին մրցակիցը կլինի Լիտվայի հավաքականը։ Խմբային փուլում Հայաստանի հավաքականի բոլոր խաղերը կկայանան Կաունասի «Ժալգիրիս Արենա» մարզապալատում։
