13.05.2026 | 22:08
«80 հազար վարձկան կներգրավենք». զրույց ընտրություններին հայտ ներկայացրած Արտակ Սարգսյանի հետ. ՏԵՍԱՆՅՈՒԹ
Եվրո-2026․ Հայաստանի հավաքականը B խմբի առաջատարն է
23.01.2026 | 10:52
Լատվիայում, Լիտվայում և Սլովենիայում անցկացվող ֆուտզալի Եվրոպայի առաջնության B խմբի մրցաշարային աղյուսակն առաջին տուրից հետո գլխավորում է Հայաստանի ազգային հավաքականը։
Առաջին տուրում Ռուբեն Նազարեթյանի գլխավորած թիմը Լիտվայի Կաունաս քաղաքի «Ժալգիրիս Արենա» մարզապալատում 2։1 հաշվով կամային հաղթանակ էր տարել 2024թ․ աշխարհի առաջնության բրոնզե մեդալակիր Ուկրաինայի հավաքականի նկատմամբ։
B խմբի մյուս խաղում Լիտվայի ու Չեխիայի հավաքականները բաժանվել են մարտական ոչ-ոքիով՝ 3։3։ Չեխերը խաղի վերջին րոպեին են խուսափել պարտությունից։
Եվրո-2026-ում հայ ֆուտզալիստները հաջորդ հանդիպումը կանցկացնեն hունվարի 25-ին՝ Երևանի ժամանակով 16։00-ից մրցելով Չեխիայի հավաքականի հետ։ Երրորդ տուրում hունվարի 28-ին մրցակիցը կլինի Լիտվայի հավաքականը։ Խմբային փուլում Հայաստանի հավաքականի բոլոր խաղերը կկայանան Կաունասի «Ժալգիրիս Արենա» մարզապալատում։
Լուսանկարը՝ ՀՖՖ-ի։
