10.09.2026 | 17:01
1.45 մլրդ դրամ՝ Գյումրու թիվ 2 պոլիկլինիկայի հիմնանորոգման համար
Մինչ այժմ Ղարաբաղում բնակվող 10 հայ և մեկ ռուս տեղափոխվել են Հայաստան․ Արսեն Թորոսյան
Հասարակություն
23.01.2026 | 12:39
ՀՀ աշխատանքի և սոցիալական հարցերի նախարար Արսեն Թորոսյանը գրառմամբ տեղեկացրել է, որ մինչ այժմ Ղարաբաղում բնակվող 10 հայ և մեկ ռուս ՀՀ քաղաքացի տեղափոխվել են Հայաստան։
«Սիրելի հայրենակիցներ, տեղեկացնում եմ, որ Ադրբեջանի Հանրապետությունում (Ղարաբաղում) մինչ այժմ բնակվող 10 հայեր և ազգությամբ ռուս մեկ ՀՀ քաղաքացի դիմել են Ադրբեջանի եւ Հայաստանի պատկան մարմիններին՝ Հայաստանի Հանրապետություն տեղափոխվելու խնդրանքով։ Դիմումների հիման վրա նշված անձինք տեղափոխվել են Հայաստանի Հանրապետություն»,- ասված է հաղորդագրությունում։
Հիշեցնենք, որ 2020 թվականի 44-օրյա պատերազմից հետո արցախահայերի մեծ մասը վերադարձավ Արցախ։ Սակայն 2023 թվականի սեպտեմբերի 19-ին, Ադրբեջանի զինված ուժերը լայնամասշտաբ ռազմական ագրեսիա սկսեցին Լեռնային Ղարաբաղի նկատմամբ, որի բնակչությունը 10 ամիս շարունակ գտնվում էր շրջափակման մեջ։ Ավելի քան 100 հազար արցախահայեր ստիպված եղան տեղահանվել իրենց բնօրրանից ու տեղափոխվել ՀՀ։
