06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Քննարկվել են Հայաստան–Մեքսիկա հարաբերությունների խորացման հեռանկարները
Քաղաքականություն
22.01.2026 | 22:47
Հունվարի 21-ին ՀՀ արտաքին գործերի նախարարի տեղակալ Վահան Կոստանյանն ընդունել է Մեքսիկայի պատգամավորների պալատի Մեքսիկա–Հայաստան բարեկամության խմբի նախագահ Սիլվիա Պատրիսիա Խիմենես Դելգադոյի գլխավորած պատվիրակությանը։ Քննարկվել են երկկողմ հարաբերությունների խորացման, միջխորհրդարանական համագործակցության զարգացման, ինչպես նաև տարածաշրջանային և միջազգային օրակարգի մի շարք հարցեր։ Այս մասին տեղեկացնում են ՀՀ ԱԳՆ-ից։
«ՀՀ ԱԳ նախարարի տեղակալը վերահաստատել է Մեքսիկայի հետ հարաբերությունները խորացնելու հարցում հայկական կողմի շահագրգռվածությունը։ Մտքեր են փոխանակվել Հայաստանի և Մեքսիկայի միջև քաղաքական երկխոսության, տնտեսական, մշակութային, կրթական կապերի, միջխորհրդարանական համագործակցության և այլ ոլորտներում համագործակցության զարգացման հեռանկարների շուրջ։
Անդրադարձ է կատարվել նաև միջազգային և տարածաշրջանային հարցերի: Նախարարի տեղակալ Վահան Կոստանյանը զրուցակիցներին է ներկայացրել Հարավային Կովկասում զարգացումները, տարածաշրջանում հաստատված խաղաղության պայմաններում Հայաստանի արտաքին քաղաքականության առաջնահերթությունները, ինչպես նաև տարածաշրջանային փոխկապակցվածության զարգացմանն ուղղված ծրագրերի կյանքի կոչման արդյունքում ակնկալվող նոր տնտեսական հնարավորությունները»,- ասված է հաղորդագրությունում:
